විසිතුරු පිළිතුරු තොරතුරු අමයුරු – 70 දශකයේ ස්වර්ණ යුගයක ගී අංශු මාත්‍රයක්‌ ……………………….
එදා රෑ ගුවන් තොටුපළේදී මා…….
වෙන්වි ගියේ සිතකින් නොවේ ….
නෑ සිය මිතුරන් පැමිණීලා…..
ආසරි සුභ පැතුම් පැතුවා….
ඔබ නාවේ ඇයි මිහිරියේ…….
———————–
නම් පැණය විමසුවේ එදා යෞවනයේ සිහින සුපිරි තරුව මිල්ටන් මල්ලවාරච්චි විසිනි
වාර්තාගත රසික ප්‍රතිචාර ලැබු මේ නිර්මාණය මෙන්ම වෙනත් එයාකාර ගීත උදෙසා පසුව පිළිතුරු ගී ලිවීම සිදුකරනු ලැබුවේ අදාළ ගීත රචකයා විසින්මය නැතහොත් මුල් නිර්මාණයට පෙම්බැඳි වෙනත් ගායක ගායිකාවකගේ ඇවිටිලි හමුවේ වෙනත් ගීත රචකයෙකු ඔහු ගේ ඇය ගේ පැතුම ඉටුකරයි
ඉහත ගීය පබැඳූ ප්‍රේමකීර්ති ද අල්විස්‌ නම් ප්‍රතිභාසම්පන්න අපුර්ව නිවේදක සහෘදයා මේ යුගයේම ශිල්පී මර්වින් පෙරේරා වෙනුවෙන් ලියු
මේ නගරය මා ඔබ මුණ ගැසුනු නගරයයි
මේ නගරය මා ඔබ වෙන් කෙරුණු නගරයයි
——————–
වෙනුවෙන් පුන්‍ය කත්‍රිආරච්චි නම් ගුවන් විදුලි ශිල්පිනිය මෙසේ ගැයුවේ සුනිලා විජේසිංහ නම් ආධුනික කිවිඳියක්‌ වු ගුරු මහත්මිය විසින් ලියු පදපෙළකි ඇය දිවයින මාධ්‍යවේදී ප්‍රවිණ පුවත්පත් කලාවේදී චන්ද්‍රසිරි දොඩංගොඩයන්ගේ ප්‍රිය භාර්යාවයි
මා ඔබමුණගැසුනු අයුරු සිහිකරන්නෙපා……..
මා ඔබ වෙන්කෙරුණු අයුරු සිහිකරන්නෙපා…………
මේ පදයන්හි සර්වසම බව වටහගන්නට සුවිසෙස්‌ උත්සහයක්‌ ගතයුතු නොවේ
———————
ප්‍රවිණ ගුවන් විදුලි නිවේදිකා දයා ද අල්විස්‌ ගේ පදවැළකින් හැඩගැන්වුනු මේ නිර්මාණය නිතිපතා සවනත වැකුනේද ගුවන් විදුලි සරළ ගීයක්‌ ලෙසිනි ඒ මල්කාන්ති නන්දසිරි ශිල්පිනියගේ හඩිනි
සහසක්‌ පැතුමන් ඉපදී මියගොස්‌ – ඉතිරිව ගිය එක පැතුම දරාගෙන….
ඇහැල මහක අඞසඳ පැයූ දා – මතකද සිරි දළදා වැන්දා….
——-
එයින් පසු දිනක ඇය ගේ පෑන්තුඩින් ලියෑවුනු මේ නිර්මාණය ප්‍රවිණ සංගීතවේදී සංගීත් නිපුන් සනත් නන්දසිරි වෙත පිරිනැමිනි
සහසක්‌ පැතුමන් නැත මා පැතුවේ – එකම පැතුම පමණකි සිත රැඳුනේ …
හද අඹරේ අඩ සඳ වැනි නෑනේ – මතකයි සිරි දළදා වැන්දා…
——
ගමේ කෝපි කඩේ දෙන්නා දෙපැත්තේ දාම් අදින්නේ……
ගැටව් කතාබහට කඩ එළපත්තේ රංචු ගැහෙන්නේ……..
————————–
ආචාර්ය අජන්තා රණසිංහ ලියු මෙකී පදපෙලක්‌ හටගත් ආන්දෝලනය ඒ යුගයේ දිවයිනේ බලවත්ම සංනිවේදන මාධ්‍යය වූ ගුවන් විදුලියේ ඇසෙන ගීතයක පවා ප්‍රබල බව පසක්‌ කරගනු උදෙසා මනා නිදසුනකි
සිය උපන්ගම්පියසේ යොවුනන්ගෙන් හටගත් විරෝධය සමනය කරනු පිනිස හෙතම වහා පියවර ගත්තේ එහි ගායක සනත් නන්දසිරි ගේ ඊලග සරළ ගී වැඩසටහනට මෙසේ ලියාතබමිනි
අකාසේ තාරකා මුහුදේ මඩ උනත් අරන් දෙන්න…….
කෝපි කඩේ දාං අදින ගැටව් හපන්නු ………
————————–
මේ යුග පිළිතුරු ගී ආරේ තවත් සාමාජිකයෙකු බිහිකරන්නට ආචාර්ය අජන්තා සිය පෑන් තුඩ මෙහෙයවමින් ශීල්ප දැක්‌වුයේ මහාචාර්ය අමරා රණතුංග මියෑසි නාදරටා හා අනුගත වනු පිණිසය
පාලු පැලේ මට තනි නෑ හිමියනේ – දුක සංකා ගන්න එපා හිමියනේ …..
විදුලි අකුණු මේඝ වළා – එතෙර ඇදෙන්නයි……
සතර වරම් දෙවි පිහිටෙන් – මෙතෙර දකින්නයි……..
——————-
මෑත දිනක පතිකුලයට වන් තමා වෙනුවෙන් සිය දයාබර ධිවර සැමියාණන් ගේ හදේ තෙරපෙන පහත කී සිතිවිලි දහර ඉවකරමින් ඇය එසේ පිළිතුරු දෙයි
මංගල මධු සමය පතා – කුලගෙට ආ රූපිකාව…….
පාඵ ලොවක තනිකරදා දියඹට යනවා – කුස ගින්දර නිවා ගන්න දියඹට යනවා………
——————
ඈත දිනක ගුවන් විදුලි රසිකයන් මන්මත් කල උපාලි ධනවල විතාන ගේ ඉහත කී වදන් පෙළ සරසාලු සත්සර පෙළ සරත් ද අල්විස්‌ සංගීතඥයා ගේය
එදවස ගුවන් විදුලි නිවේදක සංසදයේ ගී පද ගෙතුවන් අතරින් දැවැන්තයෙකු වු කේ ඩි කේ ධර්මර්වර්ධන සිය මිතුරු ගායක සහෘදයෙකු වු චන්ද්‍රකුමාර් කඳනාරච්චි ගේ ඇරයුමක්‌ ලැබෙන්නේ දෙදෙනා ටොරින්ටන් හී ගුවන් විදුලිය ට නුදුරු ජාතික කිරි මන්ඩලයේ (වර්තමාන මිල්කෝ සමාගම) සුදු රත් පැහැ තීරු පින්තාරු වලින් වර්ණවත් වු කිරිහලේ අසුන් ගෙන සිටියදීය
කේ ඩි කේ ගේ පදපෙල ලියු කඩදාසිය වෙත නෙත් යොමමින්
චන්ද්‍රකුමාර් – මේකනම් ලොක්‌කා අනුමත කරන එකක්‌ නෑ කේ ඩි කේ….. අනිවාර්යෙන්ම තහනම් කරනවාමයි
කේ ඩි කේ – තහනම් කරනවා ???? ආ එහෙමද ??? හරි (කඩදාසිය පසුපිට හරවයි පෑන එහි රඳවමින්) එහෙනං ……. තහනම් නේද ?
(ඔහුගේ මුවින් වදන් වැල් පිටවෙයි ඒවා කඩදාසියේ ලියෑවෙයි)
ඇගේ සිනහව තහනම් (හරිද ?)…..
ගෙදරින් මට තහනම්…..
සැලවෙයි ගෙදරට ඇය හමුවුනොතින්…
චරපුරුෂයෝ දැන් මා වටලා……
යන එන හැම තැන් මුරදාලා…..
———————-
නමින් එහි ලියෑවි තිබිනි උපාලි කන්නංගර නම් සුන්දර ලිඩ් ගිටාර් වාදකයා ගේ සත්සර හමුවේ ඔබ රසවිඳින්නේ මේ ගීයයි
යලිදු දිනක කේ ඩි කේ සිය මිතුරා ට නැවතත් මෙසේ සටහන් කර දුන්නේ ඔහු ගේ වෙළඳ තැටියේ අඩුව සපුරාගනු පිනිසය
සිනහව ඇගේ තහනම් වු පසු පෙර දවසේ…..
මා නොයනා ගුරු පාරක්‌ ඇත මේ පදෙසේ…..
එහි වු තුරුවැල් මල් ගැන නෙදනිමි පෙරසේ….
එනමුදු මග සළකුණු තවමත් ඇත මනසේ……
—————
ප්‍රවිණ සංගීතඥ මෙල්රෝයි ධර්මරත්න මුණගැසෙන්නට පැමිණි නවක තැටි ව්‍යාපාරික විජය රමණායක සිය තරංගා ලේබලයේ දෙවැනි ඊ පී තැටිය උදෙසා සහය පැතුවේ 1976 වසර තරම් දුර යුගයේදීය
එදවස යෞවනයේ රිද්මය මිල්ටන් ගේ ඉහත නිර්මානය සිහියට නගාගත් ඔහු ගේ පෑන්තුඩ ක්‍රියාත්මක විය
මිල්ටන් හඞට අරූඩ වු පෙම්වතා ගේ විරහා වේදනාව ඔහුගේ හදිදිනු ළබැඳි පෙම්වතිය හඳුනනු ලැබ ඇත්ද ? ඇය ඔහුට කෙසේ පිළිවදන් දෙනු ඇද්ද ?
ඇය එතෙර රටකට පියඹා යන සිය ළබැඳියාණන්ගෙන් මෙසේ විමසයි
ගුවන් තොටුපොළ ඔබ හමුවන්නට නාව නිසා තරහද ඔයා ?
ගිය ඉරිදා ඔබ මා සමගයි….
මේ ඉරිදා ඔබ වෙන තැනකයි…..
වෙන තැනකයි වෙන රටකයි…
ඒ මුත් මගේ හිත ඔබ සමගයි….
ඔබ නැති පාලුව සිතට දැනෙයි….
සෝගිනි දැල් හද තුල ඇවිලෙයි….
ඔබ සිටියා අහස ඉරාගෙන ….
වෙගෙන් ඉගිලෙනු මා දුටුවා….
ගුවන් තොටුපොළ ඔබ හමුවන්නට….
නාව නිසා තරහද ඔයා ?…..
ඔබ ගිය දා සිට මේ වෙනතුරු මම…..
කඵඳු විමානෙක දිවි ගෙවමි…..
කවදෝ යළි ඔබ එන දිනයක….
මා කැඳවාගෙන යනු මැනවී……..
මේ හඞ අවදිකරනු පිනිස සංඥා නංවන්නේ සොඳුරු මවුත්ඕගන වාදනයකිනි එය එහි පිවිසුම් නාදමාලාවයි
———————————–
ලේබලය – තරංගා ලේබලය – 1977
වර්ගය – 45 භ්‍රමණ වට ඊ පී
නිෂ්පාදනය – විජය රාමණායක – තරංගා රෙකෝඩ් බාර් – කොටුව කොළඹ 01
පද සංකල්පනය – මෙල්රෝයි ධර්මරත්න
තනු සංකල්පනය – මෙල්රෝයි ධර්මරත්න
සංගීත සංයෝජන සංකල්පනා – මෙල්රෝයි ධර්මරත්න
ගායනය – ඉන්ද්‍රාණී පෙරේරා
——————————–
තමා පබැඳු නිර්මාණයට තමා විසින්ම සත්සර මුසුකරවා තමන්ම ඊට වැයෙනා වද්‍ය රටා පෙළගස්‌වනු ලැබුවෝ විරළය ඔවුහු
දැවැන්තයෝ මය ආනන්ද සමරකෝන් -සුනිල් සාන්ත – පන්ඩිත් අමරදේව හෙළ ගී කෙත එකාලෝක කල පහන් ටැම් පෙළ අතරට ඒ විස්‌කම එයාකාරයෙන්ම පෑ ක්‌ලැරන්ස්‌ විජේවර්ධන – මෙල්රෝයි ධර්මරත්න වැන්නෝ ඇතුළත් නොවිය යුතුද ? ඔවුහු සියල්ලෝ වාග්-ගේය-කාරයෝ (වදන් – තනු – ගායනය) වෙති
ක්‌ලැරන්ස්‌ පිළිබඳව කියෑවුනු ලියෑවුනු දෑ බොහෝය එහෙත් ඔහු පිළිබඳව අවර්ජනය නොකර සිටින්නට එය කිසිසේත් හේතු විය යුතු නොවේ සිංහල පොප් ගීත කලාවේ පුරෝගාමි මෙහෙවරක යෙදී එය සිය ශක්‌ති පමනින් දියුනු තියුණූ කරවා ප්‍රචලිත කරන්නට ඔහු කල කැපවීම කෙසේ නම් ලඝූ ලුහු කොට සලකන්නද ?
ඉහත ලියෑවුනු තැටි ගී කලාවේ මතු දිනය සරු කරනු වස්‌ එදවස ඔහු දැනඋගත් නූගත් සියල්ලෝ හට අසනු පිනිස මෙසේ ලියා තැබිය
ගමෙන් ලියුමක්‌ ඇවිල්ලා – අක්‌කගෙන් වාගේ…..
මොකක්‌ කියලාද දන්නෑ – එහි ගියෙත් නෑනේ…….
—————
මේකී ලිපියට පිළීතුරු ලෙස කියෑවුනු තතු විත්ති වලට අමතර යමක්‌ යළිත් මෙලෙස කියා සිටියි
දයාබර අක්‌කේ ….
කලක්‌ ගත වි ගියා – තවම නෑ පිළිතුරක්‌ ලියා……
අදම මෙය ලියමි යෑයි කියා – ලියන්නේ වැඩ දහක්‌ කියා…
ගමේ එන්නට සිතේ තියා – සිතුව මුත් සති ගනන් ගියා….
ඉවරයක්‌ නැති ලියුම් ලියා – පලක්‌ නෑ මම ගමේ නොයා……
—————
පද සංකල්පනා සහ තනු -නැසිගිය ක්‌ලැරන්ස්‌ විජේවර්ධන විසිනි
——————
තාක්‍ෂණ විප්ලයකට හසුව වේගයෙන් පරිණාමය වෙමින් යන වර්තමාන මානව සමාජය පාරිභෝජනවාදය මත සියඵ අගයන් රඳවා තබාගනු ලබයි මින් දශක පහක තරම් දුර අතීතයක සංකීර්ණ නොවු අවශ්‍යතා අවම වු සාමුහිකත්වය මත රැඳුනු ගුණාංග රැකි මානව සමාජයක තොරතුරු පැතිකඩක්‌ මෙහි පෙළගැස්‌වු නිර්මාණයන්ගෙන් හෙළිකෙරෙයි
ස්‌තුතියි
ප්‍රවිණ සංගීතඥ මෙල්රෝයි ධර්මරත්න
ප්‍රවිණ ගායන ශිල්පී චන්ද්‍රකුමාර් කඳනාරච්චි
~සටහන් පෙළගැස්ම~
Prabath Rajasooriya
ලිපියේ දැනුම මිතුරන් සමගින් බෙදා ගන්න
ඔබගේ අදහස් ඉදිරිපත් කරන්න…