• Music
    • Artists
    • Albums
    • Archives
  • Events
  • Sooriya Blog
  • Contact Us
  • About Us

මියුරස වෑහෙන සිංහල සිනමා ගීයේ විසිතුරු

January 24, 2021 by shamilka Patrick Denipitiya, Prabath Rajasooriya

ඩඩ්ලි වානගුරු සිනමා නිර්මාණය සැගවුණු මැණික – 1967 අප්‍රේල් 07

මේ 1960 දශකයයි නොබෝදා භාරතයේ නිකුත් වූ නවතම හින්දි සිනමා පටයේ ගී තැටිය වාදනය කෙරෙමින් පවතී

ගායකයා එය උනන්දුවෙන් සවන් දෙයි

කොතරම් නම් සුන්දර ද ? මිහිරි ද ?

මීට සුදුසු සිංහල වදන් ඇමිණීම විශේෂඥයා කවුරුන්දැයි ඔහු දනී එහෙත් ස්‌වර ලිපිය ?

ඊට ද විශේෂඥයෙකු පෙනෙන ඉසව්වේම සිටියි ගායකයා ඔහු කැඳවාගෙන විත් එය සවන් දීමට සලස්‌වයි

ගීතය අඩංගු තැටිය ධාවනය වෙමින් පවතී
අප කථා නායකයාණෝ කඩදාසි කොළයක්‌ ගෙන වහා වහා එහි ස්‌වර මාළාව සටහන් කර ගන්නා අයුරු සෙස්‌සෝ අයාගත් මුවින් යුතුව බලා සිටිති

ගීතය ධාවනය වී අවසානය ස්‌වර ලිපිය ද සූදානම්ය ඉතිරි වැඩ කොටස එතරම් අසීරු නොවේ

කෙසඟ කුඩා සිරුරකින් හෙබියාවවුවත්  හෙළ ගීය වෙනුවෙන් දැවැන්ත කාර්ය භාරයක්‌ ඉටු කළ මේ අපූරු සංගීතවේදියා / වාදකයා / එතරම් ප්‍රකට නොවූ ගායකයා දැන් අප අතර නැතත් ඔහුගේ අමරණීය තනු නිර්මාණ පෙළ එදත් අදත් හෙටත් සුභාවිත සිංහල ගී ශ්‍රාවකයන් පිනවනු ලබයි

මේ දිගහැරෙන්නේ ඔහුගේ කථාවයි

වර්ෂ 1934 නිකිණි මස 11 වන දාතමින් කොළඹ නගරයේ කොටහේන ජන්ම ලාභය ලැබූ හෙතම පැට්‍රික් දෙණිපිටිය නමි විය

දුම්රිය ස්‌ථානාධිපතිවරයෙකු ලෙස කටයුතු කල පියාණන්ගේ රැකියාව නිසා ඔහු දිවයිනේ ප්‍රකට පාසල් ගණනාවක ශිෂ්‍ය දිවියකට හිමිකමි ලබන්නට සිදු විය

ශාන්ත තෝමස්‌ – මාතලේ / ශාන්ත මරියා  – නාවලපිටිය / ශාන්ත සෙබස්‌තියන් – මොරටුව / ශාන්ත ඇලොෂියස්‌ / ශාන්ත බෙනඩික්‌ට්‌ – කොටහේන ඒ පාසල්ය

නාවලපිටියේ දී හිරිමල් වියේ සිසුවකුව සිටි ඔහු  ශාන්ත මරියා දේවස්‌ථානයේ ගීතිකා කණ්‌ඩායමේ සමාජිකයෙකු ලෙස කටයුතු කරනු ලැබුවේ තමාට වඩා තරමක්‌ ජ්‍යෙෂ්ඨ සිසුවකු වූ ක්‍රිස්‌ටෝපර් ටියුඩර් ප්‍රනාන්දු සමගය (පසුව හෙළ ගීයේ ජයදද නැංවු සී ටී ප්‍රනාන්දු)

පසු කලෙක අගනුවර ආසන්නෙයේ  ජා ඇළ දිවි ගෙවූ ඔහුගේ ගායන- වාදන ශිල්පය ඔපමට්‌ටම් වූයේ බම්බලපිටියේ  සංගීත පාසලක්‌ පවත්වා ගෙන ගිය සුනිල් ශාන්තයන් ඇසුරේය

හෙළ හවුලේ ක්‍රියාකාරී සුනිලුන් තම ස්‌වරලිපි සඳහා මහප්‍රාණ ධ අක්‍ෂරය වෙනුවට සාමාන්‍ය ද යෙදීම පුරුද්දක්‌ කරගෙන තිබිනි පැට්‍රික්‌ තම ගුරුදේවාණන්ට උපහාර දැක්‌වුයේ මුඵ දිවිය පුරාම ඔහුගේ ඒ ක්‍රමය තමා විසින්ද අඛන්ඩව භාවිතා කිරීමෙනි

වැඩිදෙනෙකු අත නොරැඳුනු එතරම්ම ප්‍රකට නොවූ බටහිර ගීටාර් පවුල නියෝජනය කළ වාද්‍ය භාන්ඩයක්‌ වූ හවායන් ගිටාරය ට පෙමිබැඳි ඔහු තම නිර්මාණ සඳහා ද වෙනත් පටිගතකිරීම් උදෙසා ද නිරතුරු එය යොදාගනු ලැබීය

මේ අතරවාරයේ තම සිසුවාගේ නිසග හැකියාව මනාව අවබෝධ කරගනු ලැබූ සුනිලුන් තමන්ගේ ගුවන් විදුලි ගී නිර්මාණයන් හි වාද්‍ය ශිල්පියෙකු ලෙස ඔහුව සහභාගි කරවා ගනු ලැබීය (පහත නිදසුන් පරිශීලනය කරන්න)

තම ගුරුදේවාණන්ගේ අති සුමියුරු ගී නිර්මාණයන් හි අගය වටහ ගත් ඔහු මතු පරපුර උදෙසා ඒවා ආරක්‍ෂාකර තැබීමේ අදහසින් පසු කාලයකදී තමාම මැදිහත් වී බලවත් පෙරැත්තයකින් හා ආයචනයකින් පසුව ඒවා යළි පටිගත කරනු ලැබීය

C.T.Fernando
Sunil Shantha
Sunil Shantha

1957 වසරේ ජන හා සංඛ්‍යාලේඛන දෙපාර්තුමේන්තුවේද අනතුරුව කොළඹ ලේක්‌හවුස්‌ ආයතනයේ හා ලේක්‌ හවුස්‌ පොත්හලේ ද සේවය කල ඔහු ඒ අතරවාරයේ නිර්මාණකරයේ අඛන්ඩව  යෙදී සිටියේය

සිනමා සංගීත අධ්‍යක්‍ෂණයට පිවිසෙන්නට දොරටු විවෘත ව ඔහු විසින් ඒ කටයුත්ත අති සාර්ථකව සම්පූර්ණ කරනු ලැබුවේ අමරණීය මියුරු ගී තනු රැසක්‌ ඊට දායද කරවීමෙන ඉහත සඳහන් වන්නේ ඔහුගේ මංගල සිනමා සංගීත අධ්‍යක්‍ෂණයයි

මුල් යුගයේ දී නිරතුරු ඔහුගේ වාද්‍ය වෘන්දයේ සේවය කලවුන් අතර හෙළ ගී කලාවේ නමරැන්දුවෝ වූ එම් කේ රොක්‌සාමි හා ටී එෆ් ලතීෆ් ද විය

ලංකාවේ ප්‍රථම වරට ලන්ඩනයේ සංගීත ප්‍රසංගයකට සහභාගී විමට වරම් ලැබූ තම සගයා වූ සී ටී ප්‍රනාන්දු වෙනුවෙන් එහිගොස්‌ වාදනයෙන් සහභාගි වන්නට ඔහු අවස්‌ථාව උදාකර ගත්තේය

With CT Fernando in London 1967
With CT Fernando in London 1967

පසුව 70 දශකයේදී තමා විසින්ම පැට්‍රික් දෙණිපිටිය – කොම්බෝ නමින් වාද්‍ය වෘන්දයක්‌ බිහිරවාගත් ඔහු ඒ ඔස්‌සේ ප්‍රසංග වේදිකාව හැඩ ගැන්වීය

90 දශකයේ සිංහල සංගීතයේ අඳුරු යුගය එළඹෙන යාමයේ කැනඩාව ට සංක්‍රමණය වූ මේ සංවේදී සුන්දර සංගීතවේදියාණන් 1996 දී දැඩි ලෙස රෝගාතුර විය

21 සියවස එළැඹී 13 වන වසර ගතවෙද්දී මැදින් මස 23 දාතමින් තම ආදරණිය රසිකයාගෙන් ගව් සියගව් දහස්‌ ගණනක්‌ දුරින් සිට මේ උත්කෘෂ්ඨ නිර්මාණකරුවාණෝ අවසන් හුස්‌ම පොද වා තලයට මසුකළහ

Patrick Denipitiya Combo, 1987 Primus and Mahesh (sons) on Guitars, Susil Sirimanne Sax, Susil Perera Drums, Camereon Colombage Bass, Patrick on Electric Hawaiian Guitar and Peter Rosairo on Vocals
Patrick Denipitiya Combo, 1987 Primus and Mahesh (sons) on Guitars, Susil Sirimanne Sax, Susil Perera Drums, Camereon Colombage Bass, Patrick on Electric Hawaiian Guitar and Peter Rosairo on Vocals

——————පැට්‍රික් දෙණිපිටිය අමරණීය සිනමා ගී නිර්මාණ

සැගවුනු මැණික – ඩඩ්ලි වානගුරු

ඈත කඳුරැලි සිඹ සිඹ දැවිටිලා – (සී ඩී ෆොන්සේකා / සි ටී ප්‍රනාන්දු) / සාගර රැල්ල ගලා වෙරලෙම බැස යනවා / සුදු පිරුවට රෙද්දේ කවුරුදෝ මඩදිය පිරිමැද්දේ (බෙග්) / පිපිලා හද විලේ – (ධර්මදාස වල්පොළ – ලතා වල්පොළ)

සැණකෙලිය – හර්බට්‌ රංජිත් පීරිස්‌

රැයක්‌ උපද්දා හිරු ඈත්ව යන්නා (මිල්ටන් මල්ලවාරච්චි) / සමනළ රෑණක්‌ සේ (ඉන්ද්‍රාණි පෙරේරා – මිල්ටන් මල්ලවාරච්චි)පැට්රික්  දෙණිපිටිය – හවායන් ගිටාරයේ ශ්‍රී ලාංකික ලකුණ

ශෝකී හඩක්‌ නංවන මේ වාද්‍ය භාන්ඩය ගීයක සංවේදී බව තීව්‍ර කිරීම සඳහා විශේෂයෙන් යොදාගනු ලැබේ හැගුම්බර පදවැල් ඔස්‌සේ සන්නිවේදනය කරන අදහස තිව්‍ර කිරීම එයින් සිදුකෙරේ ඒ අනුව විරහ වේදනාව සංගීතයෙන් ප්‍රකාශ කිරිමේ මාධ්‍යයක්‌ ලෙස එය වඩාත් ප්‍රථිපලදායකය

ලෝහ කැබැල්ලකින් තත් හඩවන්නේ එය ආධාරකයක තිරස්‌ව රඳවා ගෙනය

නිදසුන් (මුල් පිටපත් අධ්‍යයනය කරන්න)

01 මා නිසා ඔබ නොපිරූ පෙරුම්  – (මිල්ටන් මල්ලවාරච්චි විරහ ගීය)

කෝ එදා ඔබ අත පැළැන්දුව මුදුව කෝ කොයිදෝ / මාලිගාවක රජ කෙනෙක්‌ වත් යනවද කැඳවා

02 ඈත රන් කැඵම් අතරින් (මිල්ටන්)


අන්තර් වාදනය හා අන්තරා කොටස්‌ අතරවාරයේ

යන මේ අවස්‌ථා
————————–

වෙළඳ තැටි හා ගුවන් විදුලි නිර්මාණ

උඩරට මැණිකේ මනහර කඳුරට තිලකේ (ආර් එස්‌ ෆොන්සේකා-රසීනා යකීම්-ඇන්ජලීන් ද ලැනරෝල් ගුණතිලක) / පුඵන් වගේ සුදු රැවුල දිගයි (ආර් එස්‌-රසීනා-ඇන්ජලීන්) / හිතේ එකක්‌ තියා එකක්‌ කියන්නෙපා (ඇන්ජලීන්) / ඉගිලෙන්නට බැහැනේ තටු ඇවිදින් නැහැනේ (ඇන්ජලීන්) / ඉවුරු තලා ගංගා බැස යනවා (මිල්ටන්) / මා නිසා ඔබ (මිල්ටන්) / සයුරු තෙරේදී අවන් හලේදී (මිල්ටන්) / ඈත රන් කැඵම් අතරින් (මිල්ටන්) / උමයංගනියෝ සුර ලාලනියෝ (ජෝති) / අපරට සුරකින සුර රජිඳේ (ජෝති) / රුවන් අඹර සෙමෙර සලන වලා පෙළගැසේ (ලතා දිසානයක – ජයතිස්‌ස හෙට්‌ටිආරච්චි) / ශ්‍රිණි විභුෂිත ලංකා බැබලේ (ලතා වල්පොල) /
—————————-
(පරිශීලනය – ගුවන් විදුලි හඩ සගරාව වෙනුවෙන් සංගීතවේදී මෙල්රෝයි ධර්මරත්න ලියු ලිපියක්‌ ඇසුරෙනි)

ගීතය – සැගවුණු මැණික – 1967

පිපිලා හද විලේ (මුල් පිටපත)

අධ්‍යක්‍ෂණය- ඩඩ්ලි වානගුරු
පද රචනය – කරුණාරත්න අබේසේකර
තනුව හා සංගීතය – පැට්‍රික්‌ දෙණිපිටිය
ගායනය – ධර්මදාස වල්පොළ – ලතා වල්පොළ

යු තලයේ සිනමා දර්ශනය
————————

————————————-

උමයංගනියෝ සුරලාලනියෝ (මුල් පිටපත)


පද රචනය – කේ ඩී කේ ධර්මවර්ධන
තනුව හා සංගීතය – පැට්‍රික්‌ දෙණිපිටිය
ගායනය – එච් ආර් ජෝතිපාල

———————————–

~සටහන් පෙළගැස්ම‍~

Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

Back

Leave a Reply Cancel Reply

Your email address will not be published.

Search blog posts

Generic selectors
Exact matches only
Search in title
Search in content

Recent Posts

  • “REMEMBERING CLARENCE” – By Des Kelly

    “REMEMBERING CLARENCE” – By Des Kelly

    May 22, 2022
  • එම් කේ රොක්සාමි විසින් නිර්මිත ගීතාවලිය – 2

    එම් කේ රොක්සාමි විසින් නිර්මිත ගීතාවලිය – 2

    May 15, 2022
  • “CALYPSO BAILA GREATS” – By Des Kelly

    “CALYPSO BAILA GREATS” – By Des Kelly

    May 8, 2022
  • එම් කේ රොක්සාමි විසින් නිර්මිත ගීතාවලිය

    එම් කේ රොක්සාමි විසින් නිර්මිත ගීතාවලිය

    May 1, 2022
  • Mohideen Baig: The conscience of a collective

    Mohideen Baig: The conscience of a collective

    April 23, 2022

Categories

  • Feature
  • Memories
  • Sinhala
  • Trivia
  • මතකයන්
  • විශේෂාංග

Newsletter

Grab our Monthly Newsletter and stay tuned

Follow Us

 
 
 
 
 

Copyright © 2021 Sooriya Records –  All Rights Reserved