ගිළිහුණු සමනල් තටුමත ඇය තනිවෙනවා

July 5, 2020 by shamilka

Prabath Rajasooriya, Somathilake Jayamaha

ගිළිහුණු සමනල් තටුමත ඇය තනිවෙනවා – හෙළ ගී කෙමිබිමේ යටගිය දවස පිපි තඹුරු – 70 දශකය ගුවන් විදුලි සරළ ගී

ජගත් සමිභාවනාවට පාත්‍ර වූ ද ඉන්දීය ඉතිහාසය පවා ගොඩනැගීමට පාදක වූද හෙළයේ බුදුසමයේ ලිඛිත ඉතිහාසයේ මුදුන් මල්කඩ වූ මහාවංශය ඇසුරෙන් කරනු ලැබූ ශ්‍රව්‍ය-දෘෂ්‍ය කලා නිර්මාණ සුලභ නොවේ

මෑත යුගයේ මහාචාරය සරත්චන්ද්‍රයන්ගේ සිංහබාහූ හා ප්‍රවිණ නාට්‍යවේදී හෙන්රි ජයසේනයන්ගේ කුවේණි වේදිකා නාට්‍යයන් මෙහිදි සිහිකටයුතුය

උක්‌ත කෘතිය ඇසුරු කරමින් කරන ලැබූ හෙළ ගී සාහිත්‍යයේ දුලබ ප්‍රස්‌තුතයක්‌ ලෙස සැලකිය හැකි මේ නිර්මාණය ඇසු දනමන පිනවන සුන්දර රූපාවලියක්‌ ඔවුන්ගේ සිත්හි මවනු ලබයි

ගී මල් මුතු වට වැසි 70 දශකයේ මැද භාගයේ එහි තෙමෙමින් ඔහු ද හෙළ ගීයේ මහගෙදර වූ ජාතික ගුවන් විදුලියට ගොඩවැදී ඒ ඔස්‌සේ තිලිණ කරනු ලැබූ එදාමෙදා තුර ශ්‍රාවක මනබැඳි අති සුන්දර ගී සමුච්චයෙන් වර්තමාන රසිකයන්ගෙන් වසන් වී දුරස්‌ වූ උක්‌ත නිර්මාණය ඔහුගේ මුල්ම සරළ ගී එකතුවෙන් උපුටා ගන්නා ලද්දකි

ගී සාහිත්‍යයේ වඩාත් පොදු සුලභ ප්‍රස්‌තුතයන්ගේන් ඔබිබට පියමං කරමින් නව ඉසවි කරා තම නිර්මාණ වපසරිය පුඵල් කරන්නට ළැදි ඔහු විසින්

//සුනිල්වන් නුවන් යුග වසා………// ඔස්‌සේ ස්‌වකීය ගී නිර්මාණ චාරිකාව ඇරඹුවේය

එය සර්වකාලීන මාතෘකාවක්‌ වූ ස්‌වකීය දිවියේ තීරණාත්මක කඩඉමකදී තරුණ දූ දරු – දෙමිවිපිය ගැටුමකට හේතුභූත වූ සංසිද්ධියක්‌ පාදක කොටගත්තකි

එහෙත් ඒ යුගයේ ම වෙනත් සරළ ගී වැඩසටහනකට ගැයු //සැඳැ අඳුර ලොව ගලන වෙලාවට // ඔහු රසික හදවතේ ළැගුමිගන්වනු ලැබූ ගීතයයි

උක්‌ත මාතෘකාවේ ආ පද පේළිය මේ අනුවේදනීය කථාංගයේ සාරයයි ඒ බව උද්දීපනය කරන්නේ ගීතයේ නාදමාලාවට විරාමයක්‌ තබමිනි

ඒ පදපේලීයේ විරාමය හැඟවූ ස්‌වර නාදමාලාව හා අතුරු සංගීත ඛන්ඩය තමා ගැයූවද එය පසුව පටිගත කරන ලද පිටපත නිකුත් වූ පසු දක්‌නට නොවූ බව ඔහු විසින් සඳහන් කරන්නට යෙදුණි

————————-

නිලුපුල් දෙණුවන් ආදරයෙන් පිබිදෙනවා

එමිහිය ඇගේ වරළස සුදු මල් ගවසනවා

රන්හූයෙන් රටා දමා සඵව වියනවා

සිනිඳු සඵව විජයිඳු ගත වට දැවටෙනවා

——————————-

මුල් පිටපත – 1977?
පද සංකල්පනාව – එච් එල් පී පියදාස (සෝමතිලක ජයමහ මිතුරු)

තනු නිර්මාණය හා සංගීතය – සෝමතිලක ජයමහ

වාද්‍ය වෘන්දය – නැසිගිය ප්‍රවිණ සංගීතවේදී එමි කේ රොක්‌සාමි (වයලීන්)
තිස්‌සසිරි පෙරේරා / ඩී ඩී ගුණසේන ඇතුඵ කණ්‌ඩායම

(තොරතුරු මුලාශ්‍රය – ප්‍රවිණ ගායන ශිල්පී සෝමතිලක ජයමහ හා සමග කෙරුණු දුරකථන සංවාදයකිනි)

~සටහන් පෙළගැස්ම‍~

Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

ග්‍රැමෆෝන් ගීත ගායක ගායිකාවෝ

June 21, 2020 by shamilka

මුල්ම සිංහල ග්‍රැමෆෝන් ගීතය ගායනා කරන ලද්දේ මාග්‍රට් ද සිල්වා වර්ණකුලසූරිය නමැති මහත්මියකු විසින් රත්නාවලි නාට්‍යයේ ” ප්‍රීති සිතේ සිද්ධවනු බෑ මා සකි බැඳනිය ආලේ ඒ රාජා ” නැමැති ගීතයක් බව පැවසේ. රද්දොළුවේ ජේන් පෙරේරා ද පළමු ග්‍රැමෆෝන් ගායිකාව වශයෙන් හැඳින්වීමක් ද ඇත. නමුත් මුල්ම යුගයේ දී වැඩි වශයෙන් International Talking Machine Company ලේබලය යටතේ තැටි ගත කිරීම් කර ඇත්තේ ආර්. ජෝන් පෙරේරා නොහොත් රංග මාලයේ ජෝන් පෙරේරා නැමැති අයෙකි. මොහුට සමකාලීනව කේ. ජෝන් පෙරේරා, එච් ඩබ්ලිව් පෙරේරා, එම්. ඩී. ඩී. පෙරේරා , ඇන්. රොම්ලස් ද සිල්වා, බී. ඩී. සිල්වා, රොමානිස් සිල්වා, රොමානිස් පෙරේරා, චාල්ස් පෙරේරා, තෝමස් පෙරේරා, එල්. ඇම්. සිල්වා, ජේ. බී. රාජපක්ෂ යන අය 1906 සිට මුල් යුගයේ ග්‍රැමෆෝන් ගායක ගායිකාවන් ලෙස සැළකිය හැක. මීට පසුකාලයේදී 1970 දක්වාම සිය ගණනක් ගායක ගායිකාවන් ග්‍රැමෆෝන් තැටි සඳහා ගීත ගායනා කරන ලදී. ග්‍රැමෆෝන් බොදු ගී ගායනයේ දී ආගම් භේදයකින් තොරව මුස්ලිම්, දෙමළ , ජාතිහු ද දැඩි කැපවීමකින් යුතුව ඉමහත් භක්තියකින් මෙම ගීත ගායනා කර ඇති බව පෙනේ.

ග්‍රැමෆෝන් ගීත ගායනා කළ මහත්ම මහත්මීන්ගේ නාම ලේඛනය මුල් යුගයේ සිට මෙසේය ;
01. ආර්. ජෝන්. පෙරේරා
02. කේ. ජෝන්. පෙරේරා
03. එච්. ඩබ්ලිව්. පෙරේරා
04. ඇන්. රොම්ලස් ද සිල්වා
05. බී. ඩී. සිල්වා
06. රොමානිස් පෙරේරා
07. චාල්ස් පෙරේරා
08. ජේ. බී. රාජපක්ෂ
09. එල්. එම්. සිල්වා
10. සී. ඩී. මාරික්ස්
11. ඇන්ඩෘ පෙරේරා
12. ජෝන් ගෝමස්
13. කේ. ඩී. ඕදිරිස් අප්පුහාමි
14. කේ. ඩී. ඩේවිඩ්
15. කේ. ජී. ජේම්ස්
16. ටී. පී. අල්මේදා
17. ඊ. ජයවර්ධන
18. ටී. පී. ජී. විලියම් පෙරේරා
19. කේ. ඇම්. පෙරේරා
20. ජේ. බී. මාර්ෂල් පෙරේරා
21. රිචඩ් මොරවක
22. ඩී. ආර්. පී. අබේවර්ධන
23. ඇම්. ඩී. ඩී. පෙරේරා
24. ටී. වී. එඩ්වින්. පෙරේරා
25. ඩබ්ලිව්. එඩ්වින් ජයවර්ධන
26. රද්දොළුවේ ජේන් පෙරේරා
27. මේරි පෙරේරා
28. ඩබ්ලිව්. ඩී. සයිමන් පෙරේරා
29. පර්ල් දසනායක
30. ජී. ඩී. ඇස්. සිරිවර්ධන
31. ලක්ෂ්මී භායි
32. මනුවෙල් තියෝගරත්න
33. ඩී. ඩී. වීරක්කොඩි
34. ඩබ්ලිව්. ඇස් ප්‍රනාන්දු
35. ඇම්. ඩී. ස්ටීවන් ද සිල්වා
36. නිකල්ස් පෙරේරා
37. ඇනී බොතේජු
38. සුසිලා ජයසිංහ
39. එච්. ඩබ්ලිව්. රූපසිංහ
40. ජී. දොන් බෙනඩික්ට්
41. ජේ. සාදිරිස් සිල්වා
42. ඇම්. එන්. පෙරේරා
43. ඩබ්ලිව්. ඩී. චාර්ල්ස්
44. කේ. රොබට් පෙරේරා
45. විල්බට් ඇන්තනී
46. බී. රාජේන්ද්‍ර පෙරේරා
47. ටී. විල්බට් පෙරේරා
48. සෙබස්තියන් පීරිස්
49. ඩබ්ලිව්. සිල්වෙස්ටර්
50. ඩබ්ලිව්. ඒ. පෙරේරා
51. එච්. ජොන්සල්
52. ඒ. නඩරාජා
53. කේ. තවමණී දේවි
54. රෙජිනා පෙරේරා
55. ජෝෂප් පෙරේරා
56. ක්ලේමන්ට් රුද්‍රිගු
57. ලෝරන්ස් පෙරේරා
58. බී. ඩී. ද සිල්වා
59. පී. ඒ. දොන් මානිස්
60. රුක්මණී දේවී
61. එඩී ජායමාන්න
62. මොහිදින් බෙග්
63. කෝකිල දේවී රත්න සභාපති
64. ඒ. ආර්. ඇම්. ඊබ්‍රාහිම්
65. සිසිලියානා ඩයස්
66. ඇම්. කේ. වින්සන්ට්
67. පර්ල් වාසුදේවි
68. පීටර් සිරිවර්ධන
69. පාලි. කුමාරි
70. ග්‍රේටා ජැනට් ද සිල්වා
71. ඩබ්ලිව්. ජේ. පීරිස්
72. ආනන්ද සමරකෝන්
73. අහමද් මොහිදීන්
74. එස්. ඒ. ලතීෆ් බායි
75. දේවාර් සූර්යසේන
76. වින්සන්ට් වීරසේකර
77. හැරියට් සුරවීර
78. ඩබ්ලිව්. මදුරාවතී.
79. ඒ. ඇම්. යූ. රාජ්
80. වී. පී. ලීලාවතී
81. වී. පී. අනුලාවතී
82. මේබල් ප්‍රනාන්දු
83. ජෙස්මන් කරුණාවතී
84. අශෝකා දේවී
85. ටයිටස් සමරවීර
86. එන්. කේ. කාරියවසම්
87. හිල්ඩා පෙරේරා
88. බී. ඇස්. පෙරේරා
89. ඩබ්ලිව්. විල්ප්‍රඩ් පෙරේරා
90. ග්‍රේස් ද සිල්වා
91. ඇඩී ජූනියර්
92. හෙන්රි ෆොන්සේකා
93. ස්ටැන්ලි මල්ලවආරච්චි
94. ටයිටස් සිරිවර්ධන
95. වසන්තා සන්දනායක
96. කරුණාදේවී
97. නෝනා සුබෙයිදා
98. ඇල්. දොන් සිමියොන්
99. ග්‍රේස් සහබන්දු
100. ප්‍රේමිනාත්
101. ඇම්. ඩී. චන්ද්‍රපාල
102. ලයනල් අමරසිංහ
103. ඇම්. ඒ. සුමතිපාල
104. ඇලන් රත්නායක
105. ඇම්. බී. ජොහර්ෂා
106. ස්වර්ණා ද සිල්වා
107. ජෙමිනිකාන්තා
108. එඩී යාපා
109. පී. ඩී. වින්සන් පෙරේරා
110. සුගතපාල මලලසේකර
111. චන්ද්‍රා වනිගසේකර
112. මියුරියල් ජයසිංහ
113. විනිත් ජයසූරිය
114. ඩබ්ලිව්. ඩී. ඇල්බට් පෙරේරා ( අමරදේව )
115. සිරමතී වෙත්තසිංහ
116. චිත්‍රලේකා
117. මුතු චින්නප්පා
118. කිංස්ලි ජයසේකර
119. තිලකා කොලඹගේ
120. කේ. ඩී. හෙන්රි
121. ජේ. ඒ. සත්‍යදාස
122. ජී. ඇස්. බී. රාණි
123. විවියන් ද සිල්වා
124. වෙලින්ටන් ප්‍රනාන්දු
125. ෆ්ලොරිඩා ප්‍රනාන්දු
126. ශාන්තිලේඛා
127. ලුවී රුද්‍රිගු
128. ධර්මදාස වල්පොල
129. තිලකසිරි ප්‍රනාන්දු
130. ශීලා පීරිස්
131. ජී. එම්. පියදාස
132. ආනන්ද කවිරත්න
133. ලතා වල්පොල
134. විනෝදිනී
135. චිත්‍රා පෙරේරා
136. පී. එල්. ඒ. සෝමපාල
137. රෝහිත ජයසිංහ
138. ඊබ්‍රාහිම් සාලි
139. කාන්ති වක්වැල්ල
140. සුසිල් ප්‍රේමරත්න
141. එච්. එල්. ප්‍රේමදාස
142. ශාන්තා රසාදරී
143. ආර්. ඒ. චන්ද්‍රසේන
144. වින්සන්ට් ද පෝල් පීරිස්
145. ශ්‍රියානි චන්ද්‍රසේන
146. ජෝසප් සෙනෙවිරත්න
147. ගුණරත්න අබේසේකර
148. සූර්යසංකර් මොල්ලිගොඩ
149. හර්බි සෙනෙවිරත්න
150. රුද්‍රානි තිලකසිරි
151. ක්‍රිස්ටි ද මෙල්
152. ඒ. ජේ. කරීම්
153.එඩ්වඩ් පෙරේරා
154. අරුණ ශාන්ති
155. හරුන් ලන්ත්‍රා
156. සීතා නානායක්කාර
157. බී. සුජාතා පෙරේරා
158. චන්ද්‍රා ද සිල්වා
159. ප්‍රිසිලා පෙරේරා
160. චන්ද්‍රා කබිරාල්
161. ඩී. ඩී. ඩැනී
162. අමිත අමරසේකර
163. මොරිස් දහනායක
164. පුෂ්පරාණි ආරියරත්න
165. රෝහිණී සුභසිංහ
166. එම්. එස්. ප්‍රනාන්දු
167. එච්. ආර්. ජෝතිපාල
168. එන්. කරුණාරත්න
169. ඇන්ජලීන් ද ලැනරෝල්
170. ඉන්ද්‍රානි විජයබණ්ඩාර
171. වජිරා බාලසූරිය
172. සී. ඩී. ෆොන්සේකා
173. ජේ. ඒ. මිල්ටන් පෙරේරා
174. ක්‍රිස්ටි ලෙනාඩ් පෙරේරා
175. වොලී බැස්ටියන්
176. නිමලා අතපත්තු
177. සිඩ්නි ආටිගල
178. ඇන්ටන් ජෝන්ස්
179. මිල්ටන් මල්ලවආරච්චි
180. ජයතිස්ස හෙට්ටිආරච්චි
181. ෆ්‍රෙඩී සිල්වා

ෆ්‍රෙඩී ජයතිස්ස මිල්ටන් ඇන්ටන්

මූලාශ්‍රය – මාගේ පියා වන කුලසේකර මද්දුමගේ මහතාගේ ගීත තැටි පුස්තකාලය

ඉහත ලැයිස්තුවට අමතරව තවත් ගායක ගායිකාවන් ග්‍රැමෆෝන් තැටි සඳහා ගීත ගායනා කරන්නට ඇත.

මෙම ලැයිස්තුවට ඇතුළත් වනුයේ චිත්‍රපට නොවන ග්‍රැමෆෝන් ගීත තැටි වලට ගීත ගායනා කළ ගායක ගායිකා ශිල්පීන් පමණි.

~සටහන් පෙළගැස්ම‍~

Sachintha Kulasekara Maddumage

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

සියලු රස මැවූ සංගීතවේදියා ‘මෙල්රෝයි’

June 7, 2020 by shamilka

Chathura Pradeep Bandara, melroy dharmaratne

“ගී කව් සරස” – මෙල්රෝයි ධර්මරත්න

නව පරපුර ‘මෙල්රෝයි ධර්මරත්න’ නාමය ඉතා හොඳින්ම හඳුනනවා යැයි කියන්නට අපහසු ය. නමුදු හැට හැත්තෑව දශක තුළ නම් ‘ධර්මරත්න සහෝදරයෝ’ කණ්ඩායමේ නාමය සංගීතයට ආදරය කළ කිසිවෙකු නොදැන සිටින්නට ඉඩක් නැත. සංගීතය පිළිබඳව කිසිඳු ක්‍රමවත් න්‍යායාත්මක දැනුමක් නොලැබුවත් සිය සහජ කුසලතාවයන් හා ප්‍රායෝගික සංගීතමය අත්දැකීම් සුහුරු ලෙස සම්මිශ්‍රණය කරමින් සංගීත ලොවට නව එළියක් සැපයූ සොඳුරු සංගීතවේදියෙකු ලෙස ‘මෙල්රෝයි’ හඳුන්වන්නට පුළුවන. ඒ නිසාම මෙල්රෝයිගේ සංගීතමය දායකත්වයන් අපි ඔහුගේ නමින් හඳුනා නොගත්ත ද අදටත් රස විඳිමු. සංගීත ලෝකය වෙනුවෙන් මෙල්රෝයි ධර්මරත්නයන්ගේ දායකත්වය එක් සීමාවකට ලඝු කොට දැක්වීම සැබවින්ම අපහසු ය. මන්ද යත් සංගීතය නැමති පුළුල් වූ ක්ෂේත්‍රය තුළ විසිරී පැතිරී ඇත්තා වූ බොහෝ මං පෙත් ඔස්සේ ධර්මරත්නයන් සිය ශක්‍යතා විදහා දක්වා ඇති හෙයිනි

1947 මාර්තු 12 වන දින කොළඹ දී ධර්මරත්න පවුලේ සිවුවැන්නා ලෙස මෙල්රෝයි ධර්මරත්න ජන්ම දයාද ලැබුවේ ය. කුලරත්න ධර්මරත්න හා ස්ටෙලා ධර්මරත්න මව් පියන් වන අතර ක්‍රිස්ටි, මැක්ස්වෙල්, රොනල්ඩ් යන සොහොයුරන් ද ස්වීටි හා ෂර්ලි සොහොයුරියන් ද විය. දරුවන් කුඩා කාලයේදීම පියා මෙලොවින් සමුගත් බැවින් සියලු බර කරට ගන්නට මවට සිදු විය. සියල්ල ඉරණමට විසඳන්නට ඉඩ දී බලා නොසිටින්නට තරම් ශක්තියක් තිබූ කාන්තාවක් වූ ඈ සියලු පීඩා දරා ගනිමින් දරුවන්ට අවැසි මාර්ගය සකසන්නට වෙහෙසුනා ය. එහි ප්‍රතිඵලයක් ලෙස රොනල්ඩ් හා මෙල්රෝයි එකමුතුවෙන් ‘ධර්මරත්න සහෝදරයෝ’ සංගීත කණ්ඩායම ආරම්භ විය. සිය මූලික කලාත්මක හැකියාවන් විදහා පාන්නට ධර්මරත්නයන් හට ඔහුගේ පාසල වූ කොටහේන ශාන්ත බෙනඩික්ට් විදුහල මනා වේදිකාවක් සැපයී ය. එඩ්වඩ් පියතුමන්ගේ මග පෙන්වීම යටතේ ‘OUR OWN SONGS’ ප්‍රසංගයේ දී තම සංගීත හැකියාවන් එළි දක්වන්නට අවස්ථාවක් ඔහුට උදා වීම ද සිය දිවියේ හැරවුම් ලක්ෂ්‍යක් වන්නට ඇත. ශාන්ත ලුසියා දේවස්ථානයේ ගීතිකා කණ්ඩායමේ සාමාජිකයෙකු වීම ද ගායනය පිළිබඳ නවමු පන්රයක් ලබා දෙන්නට හේතු වන්නට ඇත.

පසු කලෙක සියලු සොයුරන් ‘ධර්මරත්න සහෝදරයෝ’ කණ්ඩායමට එක් වීමත් සමඟ කලා ලොව නිම් වලළු සොයා වේගවත් මෙන්ම රසවත් සංචාරයක යෙදෙන්නට මෙල්රෝයි ධර්මරත්නයන්ට අවකාශ උදා විය. කරුණාරත්න අබේසේකරයන් විසින් පද රචනය කරන ලද ‘දුරකතනය’ ගීතයට තනු නිමවන්නට ඔහුට අවස්ථාව හිමි වන්නේ මේ අතර වාරයේ දීය. පසු කලෙක එය එච්.ආර් ජෝතිපාලයන්ගේ මියුරු හඬින් රසික සවන් තුඩු ස්පර්ශ කළේය. ඉන් පසුව සම්පූර්ණ ළමා ගී එකතුවකට සංගීත අධ්‍යක්ෂණය කිරීමේ වරම් ඔහුට හිමි විය. අදටත් නිරන්තරයෙන් ඇසෙන රසවිඳින ‘කොන්ද නමාගෙන’ ‘සකල බුජන්’ වැනි ගීත එම එකතුව තුළින් ප්‍රථමයෙන් රසික සවන්ගත විය. ‘සකල බුජන්’ ගීතය සිරිමාවෝ ආණ්ඩුව තුළ වාරණයට ලක් වූ බව ද අසන්නට ලැබේ. තනු නිර්මාණයට මෙන්ම ගීත රචනයට ද සක්‍රීයව දායකත්වය සැපයූ ඔහු ,ජෝතිපාල ගයන ‘අයුබෝවන්’ මිල්ටන් මල්ලවාඅරච්චි ගයන ‘මේ මැයි ගහ යට’ හා තවත් සිය ගණනක් වූ ගීත කලා ලොවට දායාද කොට ඇත්තේ ය. තව ද සුගත් සමරකෝන් අධ්යක්ෂණය කළ ‘පතිනි’ චිත්‍රපටිය සඳහා සංගීත අධ්යක්ෂණය කරන ලද්දේ ද ධර්මරත්නයන් විසිනි. නමුත් එම සිනමා පටය ප්‍රදර්ශනය වූ බවට වාර්තාවක් නැත.

මෙල්රෝයි ධර්මරත්න චරිතය සංගීතය ලෙස එක් විෂයයකට පමණක් ලඝුකොට සාකච්ඡා කිරීම ම එම චරිතයට කරන්නා වූ අසාධාරණයයක් යැයි කීම නිවැරදි ය. මා පෙර සඳහන් කළ පරිදිම ඔහු කලා ලොව තමන්ට ස්පර්ශ කළ හැකි බොහෝ තැන් ස්පර්ශ කළ විශිෂ්ටයෙකි. 1960 වසරේ දී ප්‍රදර්ශනය කෙරුණු ‘මායා’ නම් නාට්ය ලංකාවේ ප්‍රතම ඒකළ වේදිකා නාට්‍ය ලෙස ද හැඳින්වෙයි. 1977 දී වේදිකා ගත වූ ඔහුම රචනය කර ඔහුම නිෂ්පාදනය කළ ‘නව මගක යන්නෝ’ නාට්‍ය සමස්ත ලංකා සම්මාන විශාල ප්‍රමාණයකට පාත්‍ර වී ඇත. ‘සවස’ පුවත්පතෙහි තීරු ලිපි රචකයෙකු ලෙස ද , ‘විසිතුර’ පුවත්පතෙහි විචිත්‍රාන්ග රචකයෙකු ලෙස ද ඔහු පුවත්පත් කලාව තුළ සිය නාමය සනිටුහන් කර ඇත. ‘සතුට’ පුවත්පතට සැපින්න නම් කාටූනය සපයමින් කාටූන් ශිල්පියෙකු ලෙස ද සිය කෞෂල්‍යයන් විහිදුවා ඇති අයුරු අපූරු ය. පසුව සිනමාවට ද නැඟී ඇති ‘මලවුන්ගේ ලෝකය’ නම් නවකතාව ද මොහුගේම නිර්මාණයකි.

කලාව පිළිබඳව ඉතා සුවිසල් අවබෝධයකින් හා ස්වයං අධ්‍යයනය තුළින් ලබා ගත් දැනුමකින් හෙබි මෙල්රෝයි ධර්මරත්නයන් සිය දැනුම් සම්භාරයෙන් බිඳක් සිය ‘ගී කව් සරස’ කෘතියෙහි දක්වයි. කවිය හා ගීතය යනු එකම මග ගමන් ගන්නා සේ පෙනෙන වෙනස් වූ අංගයන් ද්විත්වයක් බව පෙන්වා දෙන ඔහු එහි වෙනස ඉතා සරලව පහදා දෙයි. “ කවිය බොහෝ දුරට කියවා රස විඳිය හැකි රසාලිප්ත හෝ බුද්ධි ගෝචර ගද්‍යක් හෝ පද්‍යක්” බව ඔහු දක්වයි. “ගීතය හුදෙකලා නිර්මාණයක්නොවන අතර සාමූහික නිර්මාණයක්” බව ද ඔහු තවදුරටත් පවසයි. ගීයක පද, නාද රටා, රිද්මය, සංගීතය සියල්ලක්ම මනා ගැළපීමකින් යුතුව සංයෝජනය වීම ගීතයේ වටිනාකම ත්‍රිව්‍ර කරන බව ඔහුගේ අදහස යි. ‘ජිප්සීස්’ ගයන ‘ඕයේ ඔජායේ’ ගීය ආදී ගී කිහිපයක් මෙම අදහස තුළින් ඔහු විවේචනයට ලක් කරයි. නමුත් එවැනි ගීතයන් ද වෙනස් වූ රසයක් මැවූ බව මෙහි දී සඳහන් කළ යුතුම ය.

කෙසේ වෙතත් මෙල්රෝයි ධර්මරත්න චරිතය මෙරට කලාව වෙනුවෙන් අගය කළ යුතු සේවාවක් කළ බව නම් නොරහසකි. නමුදු ඒ වෙනුවෙන් නිසි අගය කිරීමක් ලැබෙනවා දැයි යන්න ගැටලු සහගත ය. කෝමත් අපේ ඇත්තන්ට කලාකරුවන් සිහි වන්නේ ඔවුන් මිය පරලොව ගිය දවසට ය. ඇතැම් කලාකරුවන්ව බොහෝ දෙනෙකුට එහෙමවත් සිහි වන්නේ නැත. එවන් තත්වයක් තුළ සිටිමින් කලාකරුවන් ඇගයීම පිළිබඳව කතා කිරීම ද විහිළු සහගත වුව ද ඔවුන් පිළිබඳ සටහන් මෙසේ ලියා තැබීම හෝ ඔවුන් වෙනුවෙන් කරන ඇගයීමක් බව සිතමි. තව ද මෙල්රෝයි ලා කවර පපුරක් වුව ද අමතක කර දමා යා යුතු චරිත නොවේ යැයි නැවත නැවතත් කියමි. වත්මන් තරුණ පරපුර වන අපට කුඩා කල අමතක නොවන ගීත බවට පත් වූ ‘සකල බුජන්’ ‘කොන්ද නමාගෙන’ ‘කරුන්ක ගෙඩියක්’ ‘කලුම කලූ කට්ට කලූ’ ‘පොඩි කාලේ දඟ කෙරුවාම’ ආදී වූ ගී නිමැයූ නිර්මාණකරුවාව සියල්ලන්ම කෙසේ වෙතත් කලා ලැදි තරුණ පිරිසවත් හඳුනාගෙන සිටීම වටින්නේ ය. අවසාන වශයෙන් මෙසේ ලියමි. මෙල්රෝයි පිළිබඳවද බොහෝ දෙනා කතා කරන දිනයක් උදා වනු ඇත. එවිට අප බොහෝ ප්‍රමාද ය.

Liyamu.lk – 2020 අප්‍රේල්

~සටහන් පෙළගැස්ම‍~

Chathura Pradeep Bandara

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

ආදරයේ යමුණා ගග ගළලා

May 31, 2020 by shamilka

Mervin Perera, Prabath Rajasooriya, Victor Ratnayake

එදා ගී රසකළස පොබකළ මිළිනව යමින් පවතින අමිල ගී නිර්මවළිය

ආදරයේ යමුණා නදිය – අපිරිමිත මව් සෙනෙහස ට ඇමිණුනු ගේය පද මුතු

එකළ හේවුඩ් නමින් හැඳින්වූ අද සෞන්දර්ය විශ්ව විද්‍යාලයය හෙළබිම ගාන්ධර්වන්ගේ තෝතැන්නක්‌ව තිබිණි

රජයේ සංගීත විද්‍යාලයය එකළ එය හැඳින්වූ පොදු නමයි මෙහි ශිල්ප සොඳින් දැන ගන්නට ගිය 60 දශකයේ සිසුකැළ අතිබහුතරය 70 දශකයේ ගුවන් විදුලි ගිතාවලියේ බැබළවූ පහන් සිඵ විය

එවකට එහි නියමුවා වූයේ උත්තර භාරතයේ ලක්‌නවි භාත්ඛන්ඩේ සරසවියේ හාපුරා කියා වරම් ලත් ප්‍රවිණ සංගීතවේදී ලයනල් අල්ගමයන් ය

නව පරපුරේ ශිල්පිනී චම්පා කල්හාරි ජයසේකරගේ පියාණන් වූ එස්‌ ඩි එස්‌ ජයසේකර මහතාණන් එහි නිත්‍ය දේශකයන් වූ අතර පන්ඩිත් අමරදේවයන් එහි බාහිර දේශකයන්ය

වික්‌ටර් රත්නායකයන් හා මර්වින් පෙරේරා කලෙක එහි ශිල්ප හැදැරූ දෙමිතුරෝ විය

පසුව රෝහණ විරසිංහ ලක්‍ෂමන් විජේසේකර ආනන්ද විරසිරි ප්‍රේමසිරි නානායක්‌කාර මාලනී බුලත්සිංහල යන නම් ලැයිස්‌තුගත විය

මෙයින් උක්‌ත උද්ධෘතය හා බැඳෙන 70 දශකයේ සංකේතය බඳු වූ සොඳුරු ගී පෙළක උරුමකරු වූද මර්වින් පෙරේරා ශිල්පියා කඵතර පයාගල ස්‌වකීය ගම් පෙදෙසේ ළමාකළ දේවස්‌ථාන ගීතිකා කන්ඩායමේ සමාජිකයෙකුව අත්කරගත් ශිල්පීය ඥානය පසුව රජයේ සංගීත විදුහලේදී හින්දුස්‌ථානි සංගීතය ප්‍රගුණ කරමින් අත්කරගත් නිපුණතාවය හා පමණ දැන මනාව මුසුරනලදුව හෙළ ගී රසිකයා වෙත එදා තිලිණ කරන ලදී

ඔහු ගැයූ ගී සංඛ්‍යාත්මකව එතරම්ම විසල් නොවූවද ඒවයේ ගුණාත්මකබව අති සුවිසල් විය
අතිශය භාවපූර්ණ මියුරු තනුරටා මැවිමේ ඉන්ද්‍රජාලික හැකියාවන්ගෙන් පරිපුර්ණ සංගීතවේදීන් කැළ අතර ඔහු ගේ නාමය පෙරටුවම කියැවිය යුතුමය ලියැවිය යුතුමය

යම්දිනක හෙළ සංගීතයේ වංශකතාව ලියැවෙන දිනක මර්වින් පෙරේරා නාමය ට එහි පරිච්ඡේදයක්‌ වෙන් කළ යුතුමය

ඔහුගේ එකි නිර්මාණපෙළ අතරින් මේ ගී මිණ පසුව පටිගත කරනු ලැබ විකෘතියට ලක්‌ නොවී නොඉඳුල්ව පවතින්නාවූවක්‌ යැයි අනුමාන කරමි
———-

එදා පරපුරේ ගායන ශිල්පීන් අතර මර්වින් පෙරේරා සංගීතවේදියා ගේ මුල් කාලීන පටිගතකිරීම් අතර හමුවන මේ ගීතයේ ඔහුගේ හඩ සාපේක්‍ෂව වඩාත් ළයාන්විතය හෘදයාංගමය ගීයෙන් ප්‍රකාශවන අදහස වඩාත් ඔප් නැංවෙන්නේ තීව්රවන්නේ ඔහු මේ සඳහා යොදා ඇති සංගීත රටාවන් නිසා බව පෙනීයයි

වර්තමාන හ 80 දශකයේ වැඩිමනත් කෙරුණු වෙළඳ පටිගතකිරීමි හි දක්‌නට නොලැබෙන මිහිරියාවක්‌ මෙකී යුගයේ ගීතයන්හි ප්‍රකට වන එක්‌ කරුණක්‌ විය හැක්‌කේ ඊට භාවිතා කරන ලද වාද්‍ය භාන්ඩ විය හැකිය

ගුවන් විදුලි වාදක මන්ඩලයේ නිරන්තරයෙන් වැයුණු වයලීන / ෂෙලෝ / සිතාර් තත් භාන්ඩ අතරින් වැයෙන ටියුබර්ෆොaන් / ඕබෝ නාද රටා ඒ යුගයේ පටිගත කරන ලද ගීතයන්හි අනන්‍යතාවය මනා ලෙස ගෙනහැර දක්‌වයි

මෙකී වාද්‍ය භාන්ඩ තම නිර්මාණ සඳහා බහුලවම යොදාගත් ශිල්පීන් අතර ආචාර්ය වික්‌ටර් රත්නායකයන් කැපි පෙනෙයි

ඔහු වෙනත් ශිල්පීන් හට සංගීත නිර්මාණයේ යෙදුණු අවස්‌ථාවන්හිදී ශ්‍රීමතී තිලකරත්න ශිල්පිනියගේ ද මිල්ටන් මල්ලවාරච්චි (පියාසලනා ළිහිනියෙකු / සුඛ වේදනා දුක්‌ වේදනා / ලබන්න බැරි සුව සහනය / මා නෙත් කැදැල්ලේ / පියාපත් සලා / ආවා ආදරෙන් ) සරළ ගී එකතුව හැඩවැඩ ගැන්වූයේ මේ නාදරටාවෙනි ඊට අමතරව ගුවන් විදුලි ළමා ගී එකතුව මුල් පටිගතකිරීම් හි මිහිරියාව රැඳුනේ ඒකි කරුණ නිසාවෙනි

මීට පරිබාහිරව මොහොමඩ් සාලි සංගීතවේදියා මිල්ටන් පෙරේරා ශිල්පියා රූපා ඉන්දුමතී හා අයිරින් ද අල්විස්‌ වෙනුවෙන් කරන ලද නිර්මාණ එකතුව සිහිකටයුතුය (සියඵ සත්වයෝ නිදුක්‌ වෙත්වා / දෙරණ මෙනි දුක්‌ උහුලනා / දෙපිය නගා එන්නට බෑ / විලෙන් පෙරෙන දිය / හෙළ ජාතික පියුමිවෙලේ ) ඒ අතර කැපි පෙනේ

මේ නිර්මාණ හෙළ සුභාවිත ගීතාවලිය ප්‍රිය රසිකයන් අතර අමරණිය වන්නේ මේ සොඳුරු නාදරටවන් ද නිසවෙන් බව නිසැකය
—–

(මර්වින් පෙරේරා ගුවන් විදුලි සරළ ගී තැටිගතකිරීමකිනි -ගුවන් විදුලි මුල් පිටපත – 1974?)

ගී පද ඇමුණුම- නැසිගිය ප්‍රවිණ නිවේදක ගී පද රචක කේ ඩි කේ ධර්මවර්ධන ??

තනු රටාව හා අන්තර් ආමුඛ වාදන රටා රුසිරු – නැසිගිය ප්‍රවිණ ශිල්පී සංගීතවේදී මර්වින් පෙරේරා

——————————-

අදරයේ යමුණා ගඟ ගළලා- සෙනෙහයේ දිය රැළි ඇද හැලේනා

අමා හිමවි ගිරි සිසිලස රඳනා – අම්මේ ඔබයි ලෝකය මා සොයනා

එදා ඇසුණු ගී – 2018 නොවැම්බර්

~සටහන් පෙළගැස්ම‍~
Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

ඉරට උඩින් සක්වලට උඩින්

May 16, 2020 by shamilka

Prabath Rajasooriya, Sarath Dasanayake

අමරණිය 70 – අව්‍යාජ හෙළ ගී මිහිරියාව කැන්දන පසගතුරු නද අතරින් නැගි තම්මැට නාද -ප්‍රවිණ ජ්‍යෙෂ්ඨ ශිල්පිණී සුජාතා අත්තනායක එදා සුගායන ලිලා

නැසිගිය ප්‍රවිණ සංගීතවේදී සරත් දසනායක ප්‍රණාම!

———————————
එදා ගුවනින් ඇසුණු සිංහල ගී මග නැවුම් මාවතක රැඳවු ආනන්ද සමරකෝන් කලාකරුවාණන් ගත් එමඟ කටු කොහොළින් නොවැසෙන්නට ස්‌වකිය ගී හඬ මෙහෙයවුයේ සුනිල් ශාන්තයන්ය

දේශිය සංගීතයක රසභාව කෙසේනම් ප්‍රචලිත කරන්නේදැයි කණින් කොණින් ඇසෙන්නට වූ යුගයක එහි වළ ගොඩැලි මට සිලුටු කරමින් මුදු සුමුදු කරවූවෝ පන්ඩිත් අමරදේවයන්ය කේමදාසයන්ය – ෂෙල්ටන් ප්‍රේමරත්නයන්ය

අනතුරුව වික්‌ටර් රත්නායක නම් අපූර්ව සංගීතවේදියාය

පසුව එළඹියේ හෙළ ගීතාවලියේ තවත් රන් යුගයකි ඉන් ඉක්‌බිති පරපුරක එකි මංපෙත සැරසු ගාන්ධර්වයන් අතර ඔස්‌ටින් මුණසිංහ හා සිනමා ගීයේ ස්‌වකීය ආධිපත්‍ය මොනවට පිළිබිඹු කරමින් පෙළහර පෑ අප කතානායකයන් සරත් දසනායක නමි විය

ඔහු හා සමකාලිනව භාරත සිනමා සංගීතයේ පෙරළිකාර රාහුල් දේවි බර්මන් ගේ විප්ලවීය තනුරටාවන් ඊට බලපෑවේ යම්සේද සිංහල සිනමාවේ ඊට නොදෙවෙනි මං සළකූණු සනිටුහන් කරමින් යුගයක සුමධුර තනුරටා හිමිකරුවා ඔහුම විය

හෙතෙම සිනමා ගීතයෙන් බැහැරව තම සුපුරුදු රටාවෙන් පියවරක්‌ ඔබිබට ගොස්‌ දේශිය පසඟතුරු නාදරටා සංකලනය කරමින් නිර්මානකරණයේ යෙදුණු අවස්‌ථා විරළය

එදා ගී රස විඳි ශ්‍රාවක ප්‍රජාවෙන් වසන්ව වර්තමානයේ නොඇසි ගිය ඔහුගේ අපූර්ව නිර්මාණයකි මෙය
මෙහිදි ඔහු තම නිර්මාණ පෙළහර පෑම සඳහා තෝරාගන්නේ ආචාර්ය අජන්තා රණසිංහයන් අතින් ලියැවුනු පදවැළකි – ගී නිර්මාණයකදී එතරම්ම සාකච්ඡාවකට නොම බඳුන් වූ මාතෘකාවකි ඒ නිසාම එය රසිකයන් හට නවමු අත්දැකීමක් වනු අතරම සිංහල ගීතාවලිය අතර සුවිශේෂීය

මීටි සරත් දසනායකයන් විසින් එහි යටිපෙළින් කියැවෙන පදඅරුත මනාව ප්‍ර්‍රකට වන සේ යොදා ඇති සංගීත අදියුරුව පිරික්‌සා බැලිම වටී

(තැටිගත කළ මුල් පිටපතයි – 1975?) ————————-

ඉරට උඩින් සක්වලට උඩින් පෙම් රළ පතරේ පව්ව උඩින්

කඩුඵ උඩින් පැනයන්න ලියේ සුමුදු වටොර නළවා

රන්මිණ් කුන්ඩල නූපුර හඩවා – ස්‌වප්න විමානෙන්
සීතා දේවිය යන්න ගියේ

චන්ද්‍ර කලාවේ රාජ භවන ලඟ – ජය ටැඹ වෙතටම යන්න ලියේ

යන්න ලියේ ………………………………………………
————————————
පද රටා නමැයුම – ආචාර්ය අජන්තා රණසිංහ
තනු හා සංගීත රටා නිමැයුම – ප්‍රවිණ සංගීතවේදී නැසිගිය සරත් දසනායක
ගායන සහය – ආචාර්ය වික්‌ටර් රත්නායක

සිංහල සංගීතයේ රවි ශංකර් – ප්‍රවිණ සංගීතවේදී සරත් දසනායක

රජයේ සංගීත විද්‍යාලයෙන් ශිල්ප හදාරා කලක්‌ ආචාර්ය ප්‍රේමසිරි කේමදාස වාද්‍ය වෘන්දයේ සිතාර් වාදකයා ලෙස ඔහුගේ අමරණිය නිර්මාණ බොහෝ ගණනක සිතාර් වාදනයේ යෙදුනි

ඒ ඔහුගේ සංගීත මංජරිය නමි මරදානේ ජයන්ත විරසේකර මාවතේ එකල (60 දශකය) පිහිටා තිබුණු කලායතනයේදීය

ඊට සමගාමීව ඉසිපතන විදුහල ඇතුඵ පාසල් ගණනාවක සංගීත විෂය භාර ආචාර්යවරයා ලෙස රජයේ සේවයේ යෙදමින්

70 දශකයේ මුල් භාගයේදී කරුණාරත්න අබේසේකරයන් ගේ පබැඳුමි උදෙසා ශාන්? 45 භ්‍රමණවට ඊපී තැටි ලේබලය යටතේ ගීත 4 ක්‌ ඔහු විසින් මුලින්ම ජෝතිපාලයන් උදෙසා නිර්මාණය කරන ලදී

1 නීල දෑස පූරා

2 ඔබ නිදන්න ඔබ නිදන්න

3 අද අමුතුම රැයකි

4 මල්සර මල් දුන්නේ

පසුව විශ්මය සිනමා පටයේ ගී නිර්මාණයේ යෙදී සිටියදී ම සෝමපාල ලීලානන්දයන්ගේ නිර්දේශයෙන් ඉහත ගී ශ්‍රවණය කළ සේන සමරසිංහයන් විසින් දසනායකයන්ගේ සිනමා සංගීත දිවියේ රන් දොරටු‌ විවර කරදුන් //සදහටම ඔබ මගේ // සිනමා සිත්තමේ ගී රස ගැන්විම සිදු කරල ලදී

පෙම් රස වෑහෙන / අමර පෙම් ලතාවේ / වාසනාව දොර ඇරලා / දෑසේ මාගේ

ඔහුගේ දෙවන නිර්මාණය වූ //කස්‌තුරි සුවඳ // ඔහු ගේ ගී රසභාවය වඩාත් කුඵගැන්වුනු කෘතියයි

ලස්‌සන ලෝකෙක / පෙම්වතියන්ගේ / ගිගිරි ජගරි අංඩවනා / මල් වයසේ මධු සිහිනේ / පාට පොදක්‌ තිලක ලා

පසුව සමරසිංහ – දසනායක සුසංයෝගය 70-80 දශකයේ සිනමා ගීතාවලියේ අමරණිය මංපෙතක්‌ සටහන් කරවන ලදී

එදා ඇසුණු ගී – 2018 නොවැම්බර්

~සටහන් පෙළගැස්ම‍~
Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

එදා හෙළ කලා කෙත එකළුකල අමරණීය නිර්මාණපෙළින් බිංදු මාත්‍රයක්‌

May 6, 2020 by shamilka

Prabath Rajasooriya, Sugathapala Senarath Yapa

ප්‍රවිණ සිනමාවේදී ගී පද රචක කලාපෙළ පුරෝගාමි සුගතපාල සෙනරත් යාපා අමා ගී මි බිඳක්‌ – 1969

—————————-

ඔහු –

සිනමාවේදී ජී ඩී එල් පෙරේරා විසින් කලා ලැදි සරසවි අසිරි ලැබූ නවක යෞවනයන් උදෙසා 62 වසරේ ඇරඹු කලාපෙල සමාජිකයෙකුව සාමා සිනමාපටයේ නිර්මාණයට දායක විය

එහි චරිතයක්‌ රඟපා ගේය පද අමුණා (වනන්තරේ ගල් අරනේ විමානේට ………ගායනය ආධුනික ශිල්පීනී මල්ලිකා පෙරේරා)

රාජ්‍ය ලිපිකරු සේවයේ යෙදී සිටිමින් මිනිසා හා කපුටා කෙටි වාර්තා චිත්‍රපටය නිපදවා

හෙල කලා කෙත අස්‌වදන්නට සමත් වූ නවකයන් රැසක ආගමනය සනිටුහන් කල

හන්තානේ කථාව නිර්මාණය කරන ලදී

විජය කුමාරණතුංග / විජය ධර්ම ශ්‍රී / බර්ටි ජයසේකර / බර්ටි ගුණසේකර / දයා තෙන්නකෝන් රංගන ප්‍රභා මැවූ

වික්‌ටර් රත්නායක / සනත් නන්දසිරි

සත්සර ප්‍රභා මැවූ

එහි සංගීත නිර්මාණය ආචාර්ය කේමදාසයන් විසිනි

විශේෂ දර්ශනය – 20 දෙසැමිබර් 1969
තිරගත වූ දිනය – 26 පෙබරවාරි 1970

කථා සැකිල්ල –

මනමේ / සෙවනැල්ල (සිරි ගුණසිංහ) ඇසුරු කරමිනි

සරසවි සිසු සුභා (ස්‌වර්ණා මල්ලවාරච්චි) හා ඇගේ ගැමි පෙම්වතා සිසු අනුර (ටෝනි රණසිංහ) අතරට මැදහත්ව සුභා පොළඹවා ගත් සෙල්ලක්‌කාර සිසු බන්දු (විජය කුමාරණතුංග)

විශේෂ කරුණු –

විවේනයට ලක්‌වූ බන්දු- සුභා පෙම් ජවනිකාවන්

විජය කුමාරණතුංග සමන්ති ලැනරෝල් සම්මුඛ පරික්‍ෂණයකින් තෝරාගන්නා ලද්දන් විම

එකම ගීයකට පද රචකයන් දෙදෙනෙකුගේ දායකත්වය

සරා සොඳුරු මල් පැටලී මිහිර මවන ජීවිතයයි (වික්‌ටර් – නන්දා )

පිරිමි ගී පද කොටස්‌ – මහගම සේකර
කාන්තා ගී පද කොටස්‌ – සුගතපාල සෙනරත් යාපා

චිත්‍රපට අධ්‍යක්‍ෂක විසින්ම ස්‌වකීය නිර්මාණයට ම ගී රචනා කල ප්‍රථම හා එකම අවස්‌ථාව ?

ඔහුගේ වෙනත් නිර්මාණ –

පෙමිබර මධු – 1977 / ඉන්දුට මල් මිටක්‌ – 1981

(මුල් පිටපත)————————-

ගැයුම මහාචාර්ය සනත් නන්දසිරි සමග සහය ශිල්පී අතුල සෝමසිරි ?

අනන්ත වූ දෙරණ සරා – දෑස නිවන නිලක්‌ සොයා
අහස්‌ ගවිව නැග ගත්තේ නිල්ල දකින්නයි

ගඟක ගලන සිඟිති දොළක – සිහිළ විඳින්නයි
ගසක වෙළෙන සිඟිති වැලක- පහස ලබන්නයි

……………………………..

තනුව හා සංගීත අධ්‍යක්‍ෂණය – ආචාර්ය ප්‍රේමසිරි කේමදාස
—————————-

(පරිශිලනය- සුනිල් මිහිඳුකුල කෘති)

එදා ඇසුණු ගී – 2018 නොවැම්බර්

~සටහන් පෙළගැස්ම‍~
Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

බොරුවට අඬ අඬ – ශිරෝමි ප්‍රනාන්දු – මෙල්රෝයි ධර්මරත්න

April 30, 2020 by shamilka

melroy dharmaratne, Prabath Rajasooriya, shiromie Fernando

සිංහල ගීතාවලියේ 70 දශකයේ වෙළඳ තැටි යුගය නියෝජනය කළ අමයුරු ළමා ගී රස කළස – ළමා ගායිකා ශීරෝමි ප්‍රනාන්දු සමග ප්‍රවිණ සංගීතවේදී ශිල්පී මෙල්රෝයි ධර්මරත්න

ගී පද / තනුව / සංගීතය / ගායනය

මෙල්රෝයි ධර්මරත්න – (ධර්මරත්න සහෝදරයෝ ගායක කන්ඩායම – 1966-1974)

————(මුල් පිටපත – 1972)——-

බොරුවට අඩ අඩ – අමිමිට වද දෙන

පුංචි මගේ සුදු දු කුමාරි –

හැමතැන දුව පැන ගේ හැඩි කරවන මගේ සුරතල් සුදු දඟකාරී

වැඩපොළ කර දෙන නෑ බෑ නොකියන – අමිමිගේ තාත්තිගේ දූ කුමරී

මල්ලි හැඩුවම විගහට නළවන – අමිමිගේ තාත්තිගේ දූ කුමරී

————————————

ක්‍රිකටි ක්‍රීඩාවේදී තුන් ඉරියව්වෙන් දස්‌කමි පානා ක්‍රීඩකයන් පිළිබඳව කියැවෙයි ඔවුන් ඒ කන්ඩායමට මෙන්ම ඒ ක්‍රිඩාවටද සමිපතකි

ඒ අයුරින් සංගීත ක්‍ෂේත්‍රයේ තුන් ඉරියවිවෙන් දස්‌කමි පාන්නෝ කවරහූද ?
එවැන්නෝ එකී ක්‍ෂේත්‍රයේ විරළ නොවේද ?

ග්‍රැමෆොaන් ගී යුගයේදී පවා එවැන්නෝ පිළිබඳව සඳහන් නොවන තරමිය
ඔවුහූ පිළිබඳව රසිකයා නිසි ලෙස දැනුවත් වී සිටීද ?

සිංහල සළ රූ ඉතිහාසයේ මුල් යුගයේ හියුගෝ මාස්‌ටර් නමින් හැඳින්වෙන මීගමුවේ හියුගෝ ප්‍රනාන්දු ශිල්පීයා එවන් අනුපමේය දස්‌කමි දැක්‌වූවෙකි

ඔහුට හිමි නිසි ගෞරව බුහුමන නොලබාම කිසිවකු දැනුවත් නොවීම ඔවූශූ ක්‍ෂේත්‍රයට තම දායකත්වය උපරිම අයුරින් දක්‌වා නිහඩවම සමුගෙන ගියේය

60 දශකයට එළඹෙද්දී පසුව එවැන්නෝ යුගළක්‌ ප්‍රකටව හඳුනාගන්නේ හෙළ ගීයේ බටහිර සංගීතය නියෝජනය කළ අපූර්ව මිනිසුන් දෙදෙනෙකි මුල් පුද්ගලයා ක්‌ලැරන්ස්‌ විජේවර්ධනයන්ය
අනික්‌ ශිල්පියා කවරහූද ?

ඔහු එදා මෙන්ම අදද නිහඩ දිවි පෙවෙතක්‌ ගතකරන මෙල්රෝයි ධර්මරත්නයන්ය
තමා විසින් ම ගේය පද පෙළගස්‌වා ඊට ඇවැසි තනු නිර්මාණයෙන් හැඩ ගන්වා ඉන්ද නොනැවති වාද්‍ය භාන්ඩ තෝරා සංගීත සංයෝජනය කරවා යළිත් ස්‌වකීය නිසඟ හැකියාව මොනවට ප්‍රදර්ශනය කරවමින් ඊට තමාගේම හඩ මුසුකරනු ලබයි

ඔවූහු එකී ක්‍ෂෙත්‍රයේ අසිරිමත් මිනිසුන් නොවේ යෑයි කිව හැකි නොවේමය
ඔහුගේ පද රචනා සරළය මටසිලුටුය තනු නිර්මාණ ළගන්නා සුඵය එපමණක්‌ නොව සිංහල ගීය සුමට ලෙස විද්‍යුත්කරණය කරන්නට තරමි සුක්‍ෂමය
——————–

හෙළ සංස්‌කෘතියේ මව – පුතු අවියෝජනීය බැඳීම මෙන්ම පිය – දියණි බන්ධනය අළලා කරනු ලැබු ගී නිර්මාණ අතළොස්‌ස අතරින් එතරමිම ප්‍රකට නොවි වර්තමානයේ සැඟව ගිය නිර්මාණයකි
මෙහි රසිකයන් අතර ළපටි දියණියන්ගේ පියවරුන් ගේ හද කිතිකවා දියණි සෙනෙහස තියුණු කරවන්නට මෙම නිර්මාණය සමත් වනු ඇත

“Stream Original Shiromie songs”

එදා ඇසුණු ගී – 2018 නොවැම්බර්

~සටහන් පෙළගැස්ම‍~
Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

ඇයයි සදාතනික පොප් ගී රැජිනිය හෙල ගී විජිතයේ – 1969 – 1989 තැටි -කැසට් – ගුවන් විදුලි ගී – 03

April 26, 2020 by shamilka

Indrani Perera, Prabath Rajasooriya

එසේ අහසේ සැරිසරනා සියොතුන් මෙන්ම මියෑසි ශීල්ප කලාවේ තමන්ද රාමුගතව කොටුව හිඳින්නට නොරිසි බව යළිත් පසක්‌ කරන්නට ඇය පසුබට නොවිය ගීත කලාවේ තිරයෙන් පිටුපස හිඳිමින් දැවැන්ත කාර්ය භාරයක යෙදී ඒවා රසික සවන් පත් අතරට සුපැහැදිලිව ගෙන යනු පිණිස කැපවන ශිල්පීන් ගෙන් ප්‍රමුඛමතයා ශබ්ධාගාරයේ මුලාසනය දරා සිටින ඉංජිනේරු තැනය ඒ අතරින් නිතර කියෑවෙන නාමය වු ඩොනල්ඩ් අයිවන් නම් ඔහු සිය සාම්ප්‍රදායික කාර්ය භාරයෙන් මිදී තමන්ද සහෘද රසිකයෙකු ගී පද සාහිත කලාවේ දැනුමැත්තෙකු බව තහවුරු කලේ මෙලෙසිනි

රතුමල් ගවුමට – ලස්‌සන වැටුනා…….

පොඩි සමණළියට – අත්තටු ලැබුනා……

ඔබේ මුව පොඩියට – සිනා පුරෝගෙන…….

මා වෙත ඉගිලී එන්න දුවේ…………

—————————-

පද- නාද මැවිසුරු ඩොනල්ඩ් අයිවන්

නද – සරත් දසනායක

——————————-

සිංහල ගීතය ඇතුඵ සකල සාහිත කලාවේ ස්‌වර්ණවර්ණ යුගය වු 70 දශකයේ අටවැනි වසර ගෙවීයමින් තිබියදී ඉන්ද්‍රාණි ගී සැරසර චාරිකා සටහන් පෙළේ නව පරිච්ජේදයක්‌ ඇරඹෙන්නට කටයුතු සම්පාදනය වෙමින් තිබිණි

සිනමාලෝලීන් ගීතලෝලීන් උන්මාදනයට පත්කල කැළැහඳ සිනමා සිත්තම දොරට වැඩීමේ 25 වන සංවත්සරය යෙදී තිබුනේ මේ වසරටය හෙළ සිනමා ගී රැජිනිය වු රුක්‌මණි දේවි – මොහිදීන් බෙග් සිනමා යුග ගී සරණියේ නොමැකෙන සැමරුම් සනිටුහන් කල කැළෑහඳ ඒ නමින් පළවු නවකථාව ඇසුරෙන් නිර්මාණය කෙරිණී මහගත්කතුවර ඩබ්ලිව් ඒ සිල්වා නවකථාවේදීද බී ඒ ඩබ්ලිව් ජයමාන්න සිනමා පටයේදීද කර්තෘත්වය හෙබවුහ

වෙළඳ තැටි ගී කලාවේ ප්‍රකට සන්නාමයක්‌ වු ආර්ටෙක්‌ ලේබලයේ නිර්මාතෘ අජන්තා විජේසේනගේ නව සංකල්පයක්‌ අනුව රුක්‌මණි දේවිය ගේ අතිශය ජනප්‍රිය ගී තෝරා ඒවා ඉන්ද්‍රාණි – ක්‌ලැරන්ස්‌ ගේ හඞින් ද ඊට සමගාමිව ඉන්ද්‍රාණි ගේ ගීත ගීත කෝකිලාවි රුක්‌මණි ලවා ද ගයනා කරවිමට කටයුතු පිළියෙළ කරමින් පැවතියේය

එහි මුල් අදියර සාර්ථක වී කැළැහඳේ රජත ජයන්තිය ගෙවෙද්දී එහි ගීත පෙළ යෞවනයේ ගී ලොවේ සිහින කුමරු ක්‌ලැරන්ස්‌ සහ ඉන්ද්‍රාණි ගේ හඩින් ගැයිනි දෙවැනි අදියර දියත් වන්නට පෙරාතුවම රුක්‌මණි දේවිය අනපේක්‍ෂිතව සිය මෙළොව දිවිය හමාර කළාය

දෙවා ගිනි මවා ලු – මගේ හෘදයේ…….

ගියාදෝ අනේ මා – දමාලා ප්‍රියේ…..

රජානෙනි ඔබේ මා – පෙම් රාජා මාගේ…….

ගියාදෝ අනේ මා – දමාලා ප්‍රියේ………

———————–
පද – නැසිගිය හර්බට්‌ එම් සෙනවිරත්න

ගැයුම – රුක්‌මණී දේවි (කැළෑහඳ වෙනුවෙන්)

නාද මුසුව – එස්‌ එස්‌ වේදා (කැළෑහඳ සිනමා පටයේදී)

නව ගැයුම – ඉන්ද්‍රාණි පෙරේරා (ආර්ටෙක්‌ ලේබලය)

නව නාද මුසුව – ක්‌ලැරන්ස්‌ විජේවර්ධන
———————————–

50 දශකයේ රසිකයන් මන්මත් කල ගීත වෙනත් ශීල්පීන් ගේ නමින් ප්‍රතිනිර්මාණය වීමේ ප්‍රවණතාවය දියත් වුයේ 70 දශකයේදීය එය ඉන්පසු දශකයේ වඩා ප්‍රකට ව 1990 දශකයට පිවිසෙද්දී ඇතිවු සංස්‌කෘතික – දේශපාලනික – ආර්ථික යුග පෙරළිය විසින් වඩ වඩාත් පැතිර ගියේ මුල් ගී විසල් ගණනක අනන්‍යතාවය බිඳහෙලමිනි

ඇය

අන්න සුදෝ අර පාට වළා – සන්ධ්‍යා මේ විනෝදේ ප්‍රිති කෙරේ””””’

ඔහු

නැළවේවි ආදර සුවඳ වැදී – යස ඕලූ පිපිලා නීල ජලේ ”””””

———————–
පද – නැසිගිය හර්බට්‌ එම් සෙනවිරත්න

ගැයුම – රුක්‌මණී දේවි සහ මොහිදීන් බෙග් (කැළෑහඳ වෙනුවෙන්)

නාද මුසුව – එස්‌ එස්‌ වේදා (කැළෑහඳ සිනමා පටයේදී)

නව ගැයුම – ඉන්ද්‍රාණි පෙරේරා සහ ක්‌ලැරන්ස්‌ විජේවර්ධන (ආර්ටෙක්‌ ලේබලය)

නව නාද මුසුව – ක්‌ලැරන්ස්‌ විජේවර්ධන

වසර – 1978

———————————–

ලාංකීය ගීත කලාව 80 දශකය පිවිසුනේ තැටි තාක්‍ෂණය ක්‍රමයෙන් වියෑකී එය ඊට වඩා හුරුබුහුටි අතේ ගෙනයා හැකි කුඩා ප්‍රමාණයේ කැසටයක එතුනු චුම්බක පටි කර්මාන්තය හිස ඔසවද්දීය යොවුන් මදයෙන් කුල්මත් වී එකට එක්‌වි ගීත ගැයු එකම පවුලේ සහෝදර සහෝදරියන් හා මිතුරන් ගෙන් සැදුම් ලත් කන්ඩායම් ගී ශිල්පීන් සිය යොවුන් වියට සමුදෙමින් විවහ දිවියට එළඹෙද්දී එකිනෙකා විසිරි ගියහ ත්‍රී සිස්‌ටර්ස්‌ සාමාජිකාවන්ද ක්‍රියාශීලි බවින් දුරස්‌වෙද්දී ඉන්ද්‍රාණි පෙරේරා කැසට්‌ ගී නිර්මාණ ද එළිදුටුවේය

සංගීතඥ ස්‌ටැන්ලි පීරිස්‌ ද නවක ශිල්පී සංගීතඥ රෝහණ වීරසිංහ ද ඇගේ පසුකාලීන නිර්මාණයන් සඳහා සත්සර රටා මැවිය

ඉර මුදුනේ – ගිරවුන්නේ කළබලේ……..

සඳ මුදුනේ – සාවුන්නේ කළබලේ……..

මනමාලියන් – මනමාලයන්………

සුභ මේ නැකතේ හරි කලබලේ……….
———————–
පද – මහාචාර්ය සුනිල් ආරියරත්න

තනුව – ආචාර්ය රෝහණ වීරසිංහ

වසර – 1980 පමණ
———————————–

විසිඑක්‌වැනි සියවසේ හෙළ ගී සාහිත්‍යයේ – මියෑසියේ අවරගිර එළඹීදෝ ගොම්මන් අඳුරින් වැසි යද්දී ඇය ද ඇගේ සමකාලිනයන් බොහෙමයක්‌ ගත් මග පියනගමින් එයින් දුරස්‌ වුවාය

පාසල් සිසුවියක්‌ වු ඇයගේ ගී රස චාරිකාව ඇරඹෙද්දී දෙටු සොයුරිය මල්ලිකා එහි දසවස පසුකරමින් සිටියාය ඒ වනවිට ඇය ජී ඩී එල් පෙරේරා ගේ කලාපෙළ සාමාජිකාවක්‌ව ඔහුගේ සාමා සිනමා සිත්තම රසගන්වා සයවසක්‌ පමණ ගතවි තිබිණි

වනන්තරේ ගල් අරණේ විමානේට………

නිරන්තරේ යන ගමනේ විඩාවට………

—————————
පද – ප්‍රවිණ සිනමාවේදී සුගතපාල සෙනරත් යාපා

තනු – සංගීවේදී ජයතිස්‌ස අලහකෝන්

සිනමා පටය – සාමා

———————————

දිවිගමනේ මැදිවිය ගෙවීයද්දී අදින් පන්තිස්‌වසකට ද පෙර ඈත යුගයකදී සිය මනුලොව චාරිකාව නිමවා නික්‌ම ගියාය

ශිල්පිනී ඉන්ද්‍රාණි පෙරේරා සිය සොයුරි අයිරාංගනී හා ලග රැඳෙමින් සිය අතීත රස මියුරු ගීතාවලියේ මෙවන් රසමුසු තැන් සිහිකරමින් දොඩමඵ වන්නීය

රසික අප හදවත් සත්සර රසයෙන් මුසපත් කල පින් මහිමයෙන් ඔවුන් දෙදෙන වෙත අයුරාරෝග සම්පත් පතමු

—————– සමාප්තයි ———————-

ප්‍රණාම පුර්වක ස්‌තුතිය -ප්‍රවිණ ගායන ශීල්පිණි ඉන්ද්‍රාණී පෙරේරා මහත්මිය වෙත)

එදා ඇසුණු ගී – 2018 නොවැම්බර්

~සටහන් පෙළගැස්ම‍~
Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

විශේෂාංග