Sooriya Records | Sri Lankan Music | Music Sri Lanka Sooriya Records | Sri Lankan Music | Music Sri Lanka
Menu

ප්‍රියා පීරිස්

priya peiris

එකී, මෙකී, නොකී ඔහු……

සාමාජිකත්වය දැරූ කණ්ඩායම්  : ලා බම්බාස්
ප්‍රභේදය                                   : කණ්ඩායම් සුසංගති සංගීතය

අපගේ කථා නායකයා, කලා ක්ෂේත්‍රයට කළ අනුපමේය සේවය වෙනුවෙන් 2014 වර්ෂයේදීකලා භූෂණසම්මානයෙන් පිදුම් ලද්දේය. වර්ෂ 2014 ජාතික රාජ්‍ය සාහිත්‍ය කලා සම්මාන උළෙලේදී ද පිදුම් ලද්දේය. වයස අවුරුදු දහ නවයක් වූ හිරිමල් යෞවනයේදීමසූරියලේබලය යටතේ ස්වකීය සංගීත කණ්ඩායම වූ ලා බම්බාස්සමඟනුවර මැණිකෙලාහා කොක්ඩූඩ්ල් ඩූනිර්මාණයකොට ගැයූවේය. මෙරට ජනප්‍රිය වූ සිංහල ඉංග්‍රීසි ගීත රාශියකම නිර්මාපකයා වීය. වර්ෂ 1994 දී මොරටුව කලා සංසදය පිහිටුවීමේ පුරෝගාමීයාද වීය. ඉතින් දැන් ඔහු හඳුන්වාදීමට අවැසි නැත. නමුත් ඔහුගේ නාමය සිහිපත් කිරීමද ප්‍රීතියක් නිසාවෙන් ලියා තබමි. ඔහු ප්‍රියා පීරිස් නම්වීය.

සංගීතයට ලැදි පවුල් පසුබිමක උපන් ඔහුගේ මුත්තණුවන් ඕගන් වාදකයෙකි. ගල්කිස්ස ශාන්ත තෝමස් විද්‍යාලයේ අකුරු කළ ඔහුගේ සංගීත දිවියට මාවත එළි පෙහෙළි කරන්නේ ඔහුගේ දෙමව්පියන්මය. ඒ හාමොනිකාවක් තිළිණ කරමිනි. එවිට ඔහු වයස අවුරුදු හතක් පමණක් වූ දඟකාර දරුවෙකි. පාසල් නිවාඩුවේදී ඔහු එය වැයූ තාලයට ළපටි තේ දළු පවා සැලෙන්නට ඇත. එයට හේතුව ඔහුගේ පාසල් නිවාඩුව ගතවූයේ කන්ද උඩරට තම දෙමාපියන්ට අයත්ව තිබූ වතුයායේදී වීමය. ඒ ද නිරන්තරයෙන් හාමෝනිකාව වයමිනි.

හිරු නැගෙන විට පෙති එකිනෙක දිගහැරීමට කුසුමට කියාදිය යුතු නැත. පිපුනු කුසුමින් රොන් උරාබීමට බඹරාට කියාදිය යුතු නැත. එමෙන්ම ඔහු හාමෝනිකාව වැයුමට නිතැතින්ම උගත්තේය. සංගීතයට වූ අනන්ත වූද, අප්‍රමාණ වූද, ලැදියාව හේතුවෙන් විද්‍යාලීය සංගීත කණ්ඩායමේ සාමූහික ඉදිරිපත් කිරීම් (harmony)  වලට නිරතුරුව සවන්දෙමින් කෙටි කලකින්ම එහි නිපුණයෙක් බවට පත්වීය.

වයස අවුරුදු දහ අටක් පමණ වූ හිරිමල් යෞවනයේදීමැලිබන් ගුවන් තොටිල්ලහරහා ඔහුගේ දොරට වැඩුම සිදුවූයේ නෙඩ් මිලර්ගේ සන්ඩේ මෝර්නින් ටියර්ස්ගයමිනි. ඒ ඔහුගේ දස්කම් මැනවින් හඳුනාගත් ඔහුගේ මාමාණ්ඩිය වූ බ්‍රයන් ප්‍රනාන්දුගේ ඉල්ලීමකට අනුවය.

වර්ෂ 1966දී බ්‍රයන් සිය බෑණවුන් හා තවත් මිතුරන් පිරිසක් සමඟ එක්වලා බම්බාස්පිහිටුවා ගත්තේය.ඔබ්සර්වර් ටැලන්ට් කන්ටෙස්ට්හි ජයග්‍රහණයෙන් අනතුරුවලා බම්බාස්හෝටල් ක්ෂේත්‍රය තුළ නම් පතළ සංගීත කණ්ඩායමක් බවට පත්වීය. ඉන් නොනැවත සිය කුළුදුල් පටිගතකිරීමද 1968 වර්ෂයේදී සිදුකරන  ලදි.

ප්‍රියා නිර්මාණය කළකුරුල්ලන් පියඹලාගීය එක රැයින්  මෙරට ජනප්‍රිය වූ අතර දෙසතියක් මුළුල්ලේම ගීත දර්ශකවල මුල්තැන හෙබවීය. “ලා බම්බාස්සිවුවන ඇල්බමය හරහාවෙල්කම් ටු සනි ලංකාහා ආයුබෝවන්දැයට තිළිණ කළේය. ශ්‍රී ලාංකේය තේ කර්මාන්තය ප්‍රවර්ධනය කිරීමේ අරමුණ සහිතවවේක් අප් ඉන් ශ්‍රී ලංකා ටු අ නයිස් හොට් කප් ඔෆ් ටීගීය නිර්මාණය කළේය. “ලා බම්බාස්හා එක්ව ගී ගැයීමට නොහැකිවූ අවදියේ පවා තනිව වේදිකාවේ ගී ගැයුවේය.

sinhala pop
“Big future for Sinhala pop”, Gaston, February 13, 1972

ඔහුගේ තවත් විශේෂත්වයක් වන්නේ විවිධ සංගීත ශෛලියන් ගැන ඔහුගේ දැනුමයි. එය බටහිර ඉංග්‍රීසි, ස්කොට් ආදී සංගීත ශෛලීන් වල සිට නීග්‍රෝ අධ්‍යාත්මික සංගීතය දක්වා වූ අතිවිශාල පරාසයක විහිදුන එකකි.

ඒ ඔහුගේ සංගීතමය දිවියයි. නමුත් ඔහු ඉන් සෑහීමකට පත් නොවී සෙස්සන්ගේ සංගීත දිවියටද අත දීමට නොපැකිල ඉදිරිපත් වූයේය. පෝල් ප්‍රනාන්දු විජය කොරයාට හඳුන්වා දීමෙන් නොනැවත “ලා බම්බාස්” සාමාජිකයන් සමඟ ඔහුගේ ප්‍රථම ඉදිරිපත් කිරීමට වාදනයෙන් සහය ලබාදුන්නේය. පෝල් බයිලා ලොවේ රජු ලෙස ජනප්‍රිය වීමට ප්‍රියා තනු නිර්මාණයෙන් දායකවූ  “මාලා”, “පාන් මාමා” වැනි ගී හේතු වූ බව නොරහසකි. ඉන් නොනැවත පෝල් පටිගතකිරීම් සඳහා ජෙරාල්ඩ්ටද හඳුන්වා දුන්නේය. ස්ටැන්ලි පීරිස් හා “ද ෆෝචූන්ස්” කණ්ඩායමද විජය කොරයාට හඳුන්වා දුන්නේය. එය ඔවුන් පසුකාලීනව ශ්‍රී ලංකා ගුවන්විදුලි සංස්ථාව හා “සූරිය“ සමඟ කළ පටිගතකිරීම්වල මුල් පියවර වූ බව නොරහසකි.

cock a doodle doo
“He is Mr. Cock-a-Doodle-Doo…” by Prasad Gunewardene, The Island, September 08, 2002
He is the founder of the Moratuwa Arts Forum which was founded in 1994.

කලා ක්ෂේත්‍රය තුළ අතිවිශාල මෙහෙවරක් කරමින් වුව තේ කර්මාන්තයේද ඉන් අනතුරුව රබර් ර්මාන්තයේ නියැලීම අත්හැරීමට ඔහුට සිත් නොවීය. ඔහුගේ තේ කර්මාන්තායතනය වූ සමර්විල් සහ සමාගමඑවකට පිහිටා තිබුණේ කොටුව ළමා පොත් සාප්පුව ඉදිරිපිටය. ඒ අතරතුර පවා නිරන්තරයෙන් මිතුරන් සමඟ පටිගතකිරීම් ආයතනයට ආ ගිය ඔහු ගී වලට සවන්දීමටද, සහෘද කලාකරුවන් හා රසික රසිකාවියන් සමඟ කාලය ගතකිරීමටද අමතක නොකළේය. ඉන් නොනැවතලා බම්බාස්”  සාමාජිකයන් සමඟ ශ්‍රී ලංකා යුද හමුදාවේ සංගීත ශිල්පීන් සඳහා වැඩමුළු මාලාවක් සංවිධානය කිරීමටද යුහුසුළු වූයේ සංගීතයට වූ අපරිමිත ලැදියාව පෙන්වමිනි.

ඉතින් එකී, මෙකී, නොකී සේවාවන් සංගීත ක්ෂේත්‍රයට ඉටුකළ ඔහු ශ්‍රී ලංකා ඉතිහාස පොත රනකුරින් ලියූ පරිච්ඡේදයක හිමිකරුවෙකු වීමට තරම් භාග්‍යවන්ත වීය.

පරිවර්තනය : නවෝදා දයාකාන්ත

ගීත ඇල්බම

Cock a Doodle Do by La Bambas
The Sooriya Show
error: Content is protected !!

Have a passion to write ?

Join our Team

Subscribe!