பற்றிக் கொரேரா

பிறப்பு : 19th July 1945

இறப்பு : 24th November 2009

இசைப்பிரிவு : பல்வேறுபட்ட

நேரடி இசைநிகழ்ச்சிகள் மாத்திரமே இசையை ரசிப்பதற்கு ஒரே வழி என்று இருந்த ஒரு காலகட்டத்தில் இலங்கை வானொலி சாதாரண மக்களுக்கு இசையை கொண்டுபோய் சேர்ப்பதற்கு பல பாதைகளை உருவாக்கியது. அப்போதும் கூட அனைவருக்கும் வானொலி கேட்கும் வாய்ய்ப்பு கிட்டவில்லை என்றபோதும் அந்த வாய்ப்பை பெற்ற சிலருக்கு அது ஒரு புதிய அனுபவத்தை அளித்தது. ஒவ்வொரு கிராமத்திலும் வானொலி இருக்கும் ஓரிருவர் வீடுகளில் மொத்த கிராமமுமே வானொலியின் மாலை நிகழ்ச்சிகளை கேட்பதற்காக ஒன்றுகூடிய காலமது. இதன் ஆரம்பத்தில் வானொலி இசையை சர்வதேச இசைப் பெயர்களான எல்விஸ் பிரெஸ்லி, கிலிஃப் ரிச்சர்ட் போன்ற பெயர்கள் மாத்திரமே ஆக்கிரமித்து வந்தது. சில காலங்களின் பின்னர் அந்த இடங்களையும் இலங்கை இசை கலைஞர்கள் பெற்றுக்கொண்டார்கள் என்றால் பற்றிக் கொரேரா போன்றவர்களுக்கு நாங்கள் நிச்சயம் நன்றி கூற கடமை பட்டிருக்கிறோம்.

இவருடைய முயற்சிகளினூடாக இலங்கை கலைஞர்களுக்கு நீடிக்கப்பட்ட இசையை ஒலிப்பதிவு செய்து இலங்கை இசைத்துறையில் தங்கள் பெயரை பொறித்துக்கொள்ள 60களின் ஆரம்ப பகுதிகளில் இவர் வழிசமைத்தார்.

ஜோசப் வின்சன்ட் பற்றிக் கொரேரா 19 ஜுலை 1945ல் இந்திய வம்சாவழியின் வாரிசாக பிறந்தார். இவருடைய தந்தையின் இசைத்தட்டுகள் இறக்குமதி செய்யும் வேலையை தனது தந்தையான ஜோசப் அந்தனி சேவியர் கொரேராவிடம் இருந்து 1966ல் தான் பொறுப்பேற்றார். இவரது தந்தை இலங்கையின் பிரபல இசையமைப்பான கௌரி நிறுவனத்துக்காகவே இறக்குமதிகளை மேற்கொண்டார். கௌரி இசையமைப்பானது பிலிப்ஸ் லேபிளை தனது துணை நிறுவனமாக வைத்திருந்தது. தந்தையும் மகனும் இந்தியாவில் இருந்து ஹிந்தி, தமிழ் மற்றும் ஆங்கில இசைத்தட்டுக்களை இறக்குமதி செய்து பிலிப்ஸ் ரேகார்ட்ஸ் மூலமாக வெளியிட்டது. பின்னராக கௌரி இசையமைப்பின் நிர்வாக இயக்குனராக மாறிய பற்றிக் பிலிப்ஸ் லேபிளின் கீழாக சிங்கள சிங்கள இசைப்பதிவுகளை வெளியிட்டார்.

பிலிப்ஸ் லேபிளின் இசைத்தட்டுக்களும் அவர்களுடைய சொந்த லேபிளான சூர்யா ஆரம்பிக்கப்பட முன்னராக கோட்டை சிறுவர் புத்தக நிலையத்திலேயே விற்கப்பட்டன.

பற்றிக் தனது பள்ளிப் பருவ நண்பர்களான ரேமண்ட் பொன்சேகா மற்றும் நிஹால் சில்வா ஆகியோருடன் இணைந்து பிலிப்ஸ் லேபலிற்காக தங்களது முதல் பாடலை பதிவு செய்தார்கள். ரேமண்ட், ரோய் மற்றும் நிஹால் ஆகியோர் இணைந்து முதலாவது சிங்கள பெயரைக் கொண்ட இசைக்குழுவான “சமணலையோ” உருவாக்கினர். 1967ல் “நலவென மவ் உகுலே”, “நடும் குருவாரி”, “படேமி ஒருவே” மற்றும் “ஹந்த எலியே” ஆகிய நான்கு பாடல்களையும் லீவிஸ் பிரவுன் கலையகத்தில் டோனி பெர்னாண்டோவினால் பதிவு செய்யப்பட்டன. இவை சிங்கப்பூரில் அச்சிட அனுப்பப்பட்டு பிலிப்ஸ் குழுவின் முதல் இசைத்தட்டான “JVPC-1001” பிறந்தது. இதில் JVPC என்பது தயாரிப்பாளரின் பெயரான ஜோசப் விஷண்ட் பற்றிக் கொரேராவை குறித்து நிற்கிறது.

இலங்கையின் முதல் இசைத்தட்டுக்களில் ஒன்றான “சமனலயோ” இலங்கை ஒலிபரப்பு கூட்டுத்தாபனத்தின் இயக்குனராக இருந்த லிவி R. விஜமான்னவிடம் கொடுக்கப்பட்டு கட்டனமில்லாமல் ஒளிபரப்பும் உரிமையும் வழங்கப்பட்டது.

தொடர்ந்து நோயேல் ரணசிங்கவின் அழைப்பின் பேரில் பற்றிக் புனித பிரிட்ஜெட் கன்னியர் மடத்தில் இடம்பெற்ற ஒரு இசைநிகழ்ச்சியில் கலந்துகொண்டார். இங்குதான் இலங்கையின் எதிர்கால இசைக்குழுக்கள் பலவற்றை இவர் சந்தித்தார். அவையாவன “La Ceylonians, The Moonstones, The Dharmaratne Brothers, The Meemesso, Los Muchachos, Los Flamincos, La Bambas மற்றும் The Humming Birds. இந்த நிகழ்ச்சியை பதிவு செய்வதற்கான அனுமதியை பற்றிக் “The Dharmaratne Brothers” மூலமாக பெற்றுக்கொண்டார். இது எதிர்காலத்திற்கு ஒரு புதிய பாதையை அமைத்து கொடுப்பதாக அமைந்தது.

1968ல் பற்றிக் தனது JVPC 1002, 1003 ஆகியவற்றை நோயல் ரணசிங்கவின் “La Ceylonians”காக வெளியிட்டார். அந்த காலகட்டத்தில் மில்டன் மல்லவாரச்சியும் அந்த இசைக்குழுவில் ஒரு உறுப்பினராக இருந்தார். பின்னராக இவரது பாடல்களை தனி இசைத்தட்டுக்களாக வெளியிட்டதன் மூலமாக அவருடைய இசைப்பயணத்தில் ஒரு பாரிய மாற்றத்தை உருவாக்கினார். இந்த இசைத்தட்டில் அவருடைய பிரபல பாடல்களான “ஒருவாக பாவெனா”, “ரன்கோடுவ ஒப சாது”, “மங்களே நேத் மங்களே” மற்றும் “சன்சர செவனெல்ல” ஆகிய கருணாரத்ன அபேசேகரவினால் எழுதப்பட்டு மொஹமட் சாலியினால் இசையமைக்கப்பட்ட PVPC 1052ஆக வெளியிடப்பட்டது.

இலங்கையில் பல இசைக்குழுக்கள் வானொலியில் பிரகாசிக்கவும் எங்களுடைய நாட்டில் மட்டுமன்றி எங்களுடைய புலம்பெயர்ந்த எங்கள் நாட்டு மக்கள் வசிக்கும் ஆஸ்திரேலியா, இங்கிலாந்து போன்ற நாடுகளில் பிரபல்யம் அடையவும் பற்றிக் ஒரு கட்டாய காரணமாக இருந்தார்.

விக்டர் ரத்நாயக்க, M.S.பெர்னாண்டோ, H.R.ஜோதிபால, அன்டன் ரொட்ரிகோ ஆகியோர் பிலிப்ஸ் லேபிளின் கீழ் பற்றிக் கொரேரா வெளியிட்ட பாடல்களை பாடிய முக்கிய பாடகர்களாவர். நூற்றுக்கத்திகமான இசைத்தட்டுக்களை வெளியிட்ட பற்றிக் இலங்கை இசைத்துறைக்கு ஒரு பாரிய பங்களிப்பை செய்துள்ளார்.

70களின் ஆரம்ப பகுதியில் பற்றிக் மூலைக்காய்ச்சலால் பாதிக்கப்பட்டிருந்த நேரம் இவருடைய தொழிலில் வீழ்ச்சி ஏற்பட்டது. பின்னர் அதிலிருந்து மீண்டு வந்து ஒருவழியாக 80களின் ஆரம்ப பகுதியில் புதிதாக ஆரம்பித்தார். ஆனாலும் அந்த நேரத்தில் ஏற்பட்ட இனக்கலவரத்தின் போராட்டகாரர்களால் அவரும் அவரது குடும்பமும் அவர்களது வீட்டை இழக்க நேரிட்டது. இது அவரது வாழ்க்கையில் ஏற்பட்ட மிகப்பெரிய இழப்பாகும். 24 நவம்பர் 2009ல் இவர் இறக்கும் வரையில் இதிலிருந்து அவரால் மீளவே முடியவில்லை.

மில்ரோய் தர்மரத்ன இவரை பற்றி கூறுகையில் “பற்றிக் ஒரு உண்மையான கணவான். அவருக்கு பிறருக்கு உதவும் கலை இயற்கையிலே அமைந்திருக்கிறது ஆனால் அவர் எப்போதும் பணத்தையோ “ என்கிறார்.