හැටේ දශකයේ අග භාගයේ සිට අසුව දශකයේ මුල් භාගය තෙක් බොහෝ ජනප්‍රිය ගීතයන් නිෂ්පාදනය කල ශ්‍රී ලංකාවේ ප්‍රධාන පෙළේ සංගීත ලේබලයකි.
2016 වර්ෂයේදී ” ශ්‍රී ලාංකීය විනෝදාස්වාදය ලෝකයට ” යන්න තේමාව කර ගෙන සංගීත ලේබලය නැවතත් ආරම්භ කරන ලදී .
1959
ජෙරල්ඩ් සහ ඩල්සි වික්‍රමසුරිය තම ව්‍යාපාරික කටයුතු ආරම්භ කලේ ‘Children’s BookShop’ ළමයින් වෙනුවෙන්ම ලියැවුණු පොත් වෙළඳාම් කිරීම සඳහායි.
1960
ආනයනය කරන ලද සංගීත තැටි වෙළඳාම ආරම්භ කිරීම .
” බීටල්ස් ” සංගීත කණ්ඩායමේ සංගීත තැටි ප්‍රථමයෙන්ම ශ්‍රී ලංකාවට ආනයනය කරන ලද්දේ ‘ Children’s Bookshop ‘ ආයතනය විසිනි . ආනයනය කරන ලද තැටි සියල්ල (125) ප්‍රථම දිනයේම විකිණී අවසන් විය.
1968
” සුරිය ලේබලයේ ” ප්‍රාරම්භය සහ ” මුන්ස්ටෝන්ස් ” සංගීත කණ්ඩායම සමගින් ගීත ඇල්බමයන් ද්විත්වයක් සඳහා ගිවිසුම් අත්සන් කිරීම.
1969
” ඩෙකා සිලෝනිස් රෙකෝඩ් ” සඳහා ශ්‍රී ලංකාවේ එකම නියෝජිතයා බවට පත් වීම සහ ඩෙකා ලේබලය යටතේ දේශීය කලාකරුවන් තැටිගත කිරීමේ බලපත්‍රය හිමි වීම .
1969
සුරිය ලේබලය ප්‍රථම සජීවී සංගීත සංදර්ශනය පැවැත්වූ අතර එය පසුකාලීනව ” සුරිය ෂෝ ” ලෙසින් ජනප්‍රිය විය .
1971
ශ්‍රී ලංකාවේ නිෂ්පාදනය කරන ලද ප්‍රථම LP තැටිය , International Federation of the Phonographic Industry (IFPI) සංවිධානයේ සාමාජිකත්වය ප්‍රථම වරට හිමි කරගැනීම , සාම්ප්‍රදායික බෙර තාල සහ බටහිර වාද්‍ය වෘන්ද එකිනෙක මුසුකිරිම , ශ්‍රී ලංකාවේ ප්‍රථමවරට ළමා ගායන ශිල්පියෙකු විසින් තැටියක් නිකුත් කිරීම ආදියෙන් ලාංකීය සංගීත ක්ෂේත්‍රයේ ප්‍රමුඛතාව ගනිමින් ලාංකිකයාට නවමු අත්දැකීම් ප්‍රථමයෙන් ගෙන ඒමට සමත් වූ සංගීත ලේබලයක් ලෙස සුරිය හඳුනා ගත හැක .
1973
පොප් සංගීතය ද්‍රවිඩ භාෂාවෙන් ජනප්‍රිය කරවීම සඳහා මුලික වන්නේ සුරිය ලේබලයයි . ප්‍රථම වරට පැරණි සිංහල නෘත්‍ය ගී නැවත නිර්මාණය කොට තැටිගත කිරීම සිදු කරන්නේද සුරිය ලේබලයයි .
1974
පාවෙන වේදිකාවක් මත ප්‍රථමවරට සජීවී ප්‍රසංගයක් පැවැත් වීම – 1974 වර්ෂයේ මාර්තු මස 10 වන දින ශාන්ත ජෝසප් පිහිණුම් තටාකයේ “සුරිය ෂෝ ” ප්‍රසංගය පැවැත් විය.
1975
සුරිය ලේබලය ආගමික දේශනයන් සහ ගාථාවන් නිෂ්පාදනය සඳහා ප්‍රවේශය – වජිරාරාම විහාරස්ථානයෙදී ” අතිපූජ්‍ය නාරද මාහිමියන් ” වහන්සේගේ කටහඬ පටිගත කරන ලදී .
1977
ශ්‍රී ලංකාවේ ප්‍රථමවරට ද්විත්ව ඇල්බමයක් (double album) නිකුත් කිරීම – වික්ටර් රත්නායකයන්ගේ “ස” ඇල්බමය
1978
කැසට්පට නිෂ්පාදනය සඳහා ප්‍රවේශය සහ එකල ජනප්‍රිය Sri Lanka Performing Rights සමාගමේ ආරම්භය සඳහා මුලික වන්නේ සුරිය ලේබලයයි .
1995
සුරිය ලේබලය තම ප්‍රථම සංයුක්ත තැටිය වෙළඳපළ සඳහා නිකුත් කිරීම.
2016
පුනර්ජීවනය ලැබූ සුරිය ලේබලය තම ගමන නොනැවතී ඉදිරියට – ” ශ්‍රී ලාංකීය විනෝදාස්වාදය ලෝකයට ” යන්න තේමාව කර ගෙන සංගීත ලේබලය නැවතත් ආරම්භ කරන ලදී .